O'zbekiston Respublikasi Prezidentining 23.07.2019 yildagi PQ-4401-son qarori

O‘zbekiston Respublikasi Prezidentining

Qarori

Yer qa’rini geologik jihatdan o‘rganishni yanada takomillashtirish va 2020-2021-yillarda mineral-xom ashyo bazasini rivojlantirish va qayta tiklash davlat dasturini amalga oshirish chora-tadbirlari to‘g‘risida

So‘nggi yillarda mamlakat hududlarini barqaror rivojlantirishning asosiy yo‘nalishlaridan biri bo‘lgan mineral-xom ashyo bazasini rivojlantirish, shuningdek, yer qa’rini geologik jihatdan o‘rganish, foydali qazilmalardan foydalanish, muhofaza qilish sohasini boshqarish va nazorat qilish tizimini takomillashtirish bo‘yicha kompleks chora-tadbirlar qabul qilindi.

Shu bilan birga sohaning amaldagi holati qurilish materiallari sanoatini, elektrotexnika sohasini rivojlantirishga qaratilgan foydali qazilmalarning yangi istiqbolli maydonlari va konlarini aniqlash uchun qidiruv zaxiralarini ko‘paytirishni hisobga olgan holda, mineral-xom ashyo bazasini rivojlantirish va qayta tiklashga doir maqsadli dasturlarni shakllantirish va ijro etish samaradorligini oshirish, shuningdek, mineral-xom ashyolarni izlash va qazib olishga ruxsat berish tartib-tamoyillarini soddalashtirish, investitsiyalarni jalb qilish uchun qulay shart-sharoitlar yaratish bo‘yicha muhim choralar qabul qilinishini talab qiladi.

Iqtisodiyotni mineral-xom ashyo resurslari bilan barqaror ta’minlash, geologiya tarmog‘ining investitsiyaviy jozibadorligini oshirish maqsadida, shuningdek, 2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida belgilangan vazifalarni hisobga olgan holda:

1. Davlat geologiya va mineral resurslar qo‘mitasi (keyingi o‘rinlarda — Davlat geologiya qo‘mitasi) tomonidan xalqaro konsalting kompaniyalarini jalb etgan holda, zamonaviy xalqaro standartlar va ilg‘or xorijiy tajribani joriy qilishni hisobga olib O‘zbekiston Respublikasi mineral-xom ashyo bazasini rivojlantirish strategiyasi ishlab chiqilganligi ma’lumot uchun qabul qilinsin.

2. Davlat geologiya qo‘mitasi tomonidan O‘zbekiston Respublikasi Moliya vazirligi, Iqtisodiyot va sanoat vazirligi, “Navoiy KMK” DK va “Olmaliq KMK” AJ bilan birgalikda ishlab chiqilgan, konlarni topishni davom ettirish uchun qidiruv zaxiralarini ko‘paytirish maqsadida foydali qazilmalarning istiqbolli maydonlarini qidirishni 2020-yilda 35 foizga, 2021-yilda esa 40 foizga yetkazishni nazarda tutuvchi va quyidagilarni o‘z ichiga olgan 2020-2021-yillarda mineral-xom ashyo bazasini rivojlantirish va qayta tiklash davlat dasturi (keyingi o‘rinlarda — Davlat dasturi) ma’qullansin:

Oldingi tahrirga qarang.

(2-bandning ikkinchi xatboshisi O‘zbekiston Respublikasi Prezidentining 2021-yil 21-apreldagi PQ-5083-sonli qaroriga asosan chiqarilgan — Qonun hujjatlari ma’lumotlari milliy bazasi, 22.04.2021-y., 07/21/5083/0371-son)

Oldingi tahrirga qarang.

(2-bandning uchinchi xatboshisi O‘zbekiston Respublikasi Prezidentining 2021-yil 21-apreldagi PQ-5083-sonli qaroriga asosan chiqarilgan — Qonun hujjatlari ma’lumotlari milliy bazasi, 22.04.2021-y., 07/21/5083/0371-son)

3-ilovaga * muvofiq Davlat geologiya qo‘mitasining geologiya tashkilotlari moddiy-texnika bazasini mustahkamlash va modernizatsiya qilish uchun xarid qilinadigan zamonaviy geologiya asbob-uskunalari va maxsus texnika vositalari, dasturiy mahsulotlar va materiallar ro‘yxati.

* 3-ilova rus tilidagi matnda berilgan.

3. O‘zbekiston Respublikasi Moliya vazirligi Davlat dasturini amalga oshirish uchun budjet ajratmalari, shu jumladan O‘zbekiston Respublikasi Davlat budjeti va Davlat geologiya qo‘mitasining O‘zbekiston Respublikasi Moliya vazirligi G‘aznachiligidagi maxsus maqsadli hisob raqamlaridan 4-ilovaga muvofiq ajratilishini ko‘zda tutsin.

O‘zbekiston Respublikasi Moliya vazirligiga mineral-xom ashyo bazasini rivojlantirish va qayta tiklash bo‘yicha yillik davlat dasturlarini kelishish jarayonida Davlat dasturini amalga oshirish uchun Davlat geologiya qo‘mitasiga ajratiladigan mablag‘lar manbalariga aniqlik kiritish huquqi berilsin.

4. Geologiya-qidiruv ishlarini olib borishni yanada takomillashtirish, yer qa’rini oqilona o‘rganish va o‘zlashtirish, shuningdek, kon-geologiya sohasining investitsiyaviy jozibadorligini oshirish bo‘yicha “Yo‘l xaritasi” 5-ilovaga muvofiq tasdiqlansin.

5. Shunday tartib o‘rnatilsinki, unga muvofiq:

“Navoiy KMK” DK, uning negizida tashkil etiladigan uranni qazib olish va qayta ishlash korxonalari, shuningdek, “Olmaliq KMK” AJ resurs bazasiga kiruvchi muayyan geologiya obyektlari alohida ajratiladi, ushbu resurs bazasiga kiritilmagan boshqa geologik obyektlar va Davlat geologiya qo‘mitasi tomonidan yangidan aniqlanadigan foydali qazilma konlari va istiqbolli maydonlar salohiyatli investorlarga beriladi;

Davlat geologiya qo‘mitasi O‘zbekiston Respublikasi Iqtisodiyot va sanoat vazirligi bilan kelishilgan holda, keyinchalik ushbu ma’lumotlarni o‘z rasmiy veb saytida joylashtirish va boshqa qulay rasmiy vositalar bilan, shu jumladan salohiyatli investorlarni jalb qilish uchun biznes tadbirlarda ishtirok etish hamda chet ellarda “road-show”lar o‘tkazish orqali tarqatish maqsadida, tizimli ravishda, biroq bir yilda kamida bir marta istiqbolli maydonlarda foydali qazilmalarni aniqlash va qidirish, shuningdek, konlarda foydali qazilmalar qazib olishni tashkillashtirish bo‘yicha investitsiyaviy takliflar portfelini shakllantiradi.

6. O‘zbekiston Respublikasi Vazirlar Mahkamasi ikki oy muddatda quyidagilarni nazarda tutuvchi hukumat qarorini qabul qilsin:

a) “Navoiy KMK” DK, uning negizida tashkil etiladigan uranni qazib olish va qayta ishlash korxonalari, shuningdek, “Olmaliq KMK” AJ resurs bazasiga biriktiriladigan geologiya obyektlari ro‘yxatini tasdiqlash;

b) quyidagilarni nazarda tutgan holda strategik muhim turdagi foydali qazilmalarni o‘z ichiga olgan yer qa’ri uchastkalaridan foydalanish huquqi uchun litsenziya berish tartibini takomillashtirish:

strategik muhim turdagi foydali qazilmalarni o‘z ichiga olgan yer qa’ri uchastkalaridan foydalanish huquqi uchun litsenziya berish tartibini, shu jumladan tegishli hujjatlarni ekspertizadan o‘tkazish va vakolatli organlar bilan kelishishda bir-birini takrorlovchi bosqichlarni qisqartirish orqali soddalashtirish;

strategik muhim turdagi foydali qazilmalarni o‘z ichiga olgan yer qa’ri uchastkalaridan foydalanish huquqi uchun litsenziyalarni o‘ttiz ish kundan oshmagan muddatda berish.

7. Davlat geologiya qo‘mitasi:

a) ikki oy muddatda Davlat dasturiga kiritilgan har bir obyekt bo‘yicha aniq muddatlar va quyidagilar uchun mas’ul bo‘lgan tashkilotlarni nazarda tutuvchi “tarmoq grafiklari” ishlab chiqilishini ta’minlasin:

geologiya-qidiruv ishlarini olib borish uchun geologik topshiriqlarni va loyiha-smeta hujjatlarini tasdiqlash;

foydali qazilmalarning prognoz resurslari va zaxiralari ko‘payishini hisoblab borgan holda geologiya-qidiruv ishlarini olib borish;

geologiya-qidiruv ishlari natijalari to‘g‘risida hisobotlarni Davlat geologiya qo‘mitasining Ilmiy-texnikaviy kengashi va Foydali qazilmalar zaxiralari bo‘yicha davlat komissiyasi yig‘ilishlarida ko‘rib chiqish uchun taqdim etish;

b) 2020-yildan boshlab yetakchi xorijiy konsalting kompaniyalari va ekspertlarni jalb qilgan holda geologiya-qidiruv ishlari natijalari to‘g‘risidagi hisobotlarni tuzishning xalqaro standartlarini va foydali qazilmalar zaxiralarini JORC Kodeksiga asosan tasdiqlashni joriy qilish, shuningdek, Davlat geologiya qo‘mitasining malakali mutaxassislarini o‘qitish va sertifikatsiyalashni nazarda tutsin;

v) Davlat dasturi doirasida quyidagilar amalga oshirilishini ta’minlasin:

chet el o‘quv markazlarida geologiya yo‘nalishidagi mutaxassislarning amaliyot o‘tashi va iqtidorli yosh mutaxassis-bakalavrlarni sirtqi magistratura yo‘nalishlarida o‘qitish;

raqamli geologik axborotlardan foydalanish imkoniyatlarini oshirish, uning ochiqligi va shaffofligini ta’minlash maqsadida davlat geologiya fondidagi arxiv materiallari bo‘yicha raqamli axborotlar bankini tashkil qilish;

geologiya-qidiruv ishlab chiqarishiga mavjud geologik va boshqa ma’lumotlarni raqamlashtirishni keng joriy qilish;

g) ikki oy muddatda salohiyatli investorlarga foydalanish imkoniyatini taqdim etgan holda, qattiq foydali qazilmalarning istiqbolli maydonlari va konlari to‘g‘risidagi ma’lumotlar (zaxiralar, joylashgan o‘rni, joylashuv chuqurligi va boshqalar)ni joylashtirish uchun yagona elektron onlayn platforma yaratsin.

Oldingi tahrirga qarang.

(8-band O‘zbekiston Respublikasi Prezidentining 2021-yil 30-apreldagi PF-6218-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 30.04.2021-y., 06/21/6218/0398-son)

9. Moliya vazirligi Davlat geologiya qo‘mitasi, Investitsiyalar va tashqi savdo vazirligi hamda Iqtisodiyot va sanoat vazirligi bilan birgalikda ikki oy muddatda Vazirlar Mahkamasiga strategik muhim turdagi qattiq foydali qazilmalarni o‘zlashtirish uchun investitsiyalarni jalb qilish tizimini yanada takomillashtirish bo‘yicha quyidagilarni nazarda tutuvchi O‘zbekiston Respublikasi Prezidentining qarori loyihasini kiritsin:

kon-geologiya sohasida investitsiya loyihalarini boshqarish va amalga oshirishning litsenziya bitimi asosida hamkorlik qilishning shakli va shartlari belgilanishini nazar tutuvchi xalqaro amaliyotni joriy qilish;

to‘liq moliyalashtirish ta’minlangan taqdirda, chet ellik investorlarga tadbirkorlik tavakkalchiligi shartlari asosida investitsiya loyihasini amalga oshirish huquqini taqdim qilish;

foydali qazilmalarni qidirish va aniqlash huquqi uchun imtiyozli bonus stavkalarini qayta ko‘rib chiqish;

kon qazish sohasidagi xalqaro standartlarni qo‘llashni hisobga olgan holda strategik muhim turdagi qattiq foydali qazilmalarning asosiy turlari uchun yer qa’ridan foydalanishga oid soliq stavkalarini maqbullashtirish;

chet el investorlari tomonidan soliqlar va majburiy to‘lovlarning barcha turlarini O‘zbekiston Respublikasi qonunchiligi bilan belgilangan tartibda to‘lanishi;

loyihani amalga oshirishning butun davrida soliq qonunchiligining o‘zgarmasligi kafolatlarini ta’minlash.

10. Davlat geologiya qo‘mitasining 6-ilovaga muvofiq geologiya tashkilotlari uchun joylarda zamonaviy kern saqlash omborxonalarini tashkil etish, laboratoriya quvvatlari va boshqa obyektlarni jihozlash to‘g‘risidagi taklifi ma’qullansin.

Toshkent, Navoiy, Samarqand, Qashqadaryo, Surxondaryo viloyatlari hokimliklari va Qoraqalpog‘iston Respublikasi Jo‘qorg‘i Kengesi zamonaviy kern saqlash omborxonalarini tashkil qilish uchun geologiya tashkilotlariga belgilangan tartibda yer uchastkalari ajratilishini ta’minlasin.

11. Davlat geologiya qo‘mitasi O‘zbekiston Respublikasi Oliy va o‘rta maxsus ta’lim vazirligi bilan birgalikda bir oy muddatda “Geologiya sohasi kadrlari malakasini oshirish va qayta tayyorlash instituti” davlat korxonasida zamonaviy xalqaro ta’lim standartlarini joriy etishni va moddiy-texnik bazasini mustahkamlashni hisobga olgan holda uning faoliyatini takomillashtirish bo‘yicha “Yo‘l xaritasi”ni tasdiqlasin.

12. O‘zbekiston Respublikasi Prezidentining 2017-yil 4-maydagi “2017 — 2021-yillarda yer osti suvlari zaxiralaridan oqilona foydalanishni nazorat qilish va hisobga olishni tartibga solish chora-tadbirlari to‘g‘risida”gi PQ-2954-son qarori bilan tashkil qilingan 2017 — 2021-yillarda yer osti suvlari zaxiralaridan oqilona foydalanishni nazorat qilish va hisobga olishni tartibga solish chora-tadbirlari dasturi amalga oshirilishini muvofiqlashtirish bo‘yicha Ishchi guruhiga O‘zbekiston Respublikasi Prezidentining ushbu qaroriga 3* va 5-ilovalarida ko‘rsatib o‘tilgan parametrlarga hududlardagi haqiqiy holatdan kelib chiqib, butun respublika bo‘yicha tasdiqlangan umumiy parametrlar doirasida o‘zgartirish va qo‘shimchalar kiritish huquqi berilsin.

13. O‘zbekiston Respublikasi Iqtisodiyot va sanoat vazirligi Innovatsion rivojlanish vazirligi, Davlat geologiya qo‘mitasi, Ekologiya va atrof muhitni muhofaza qilish davlat qo‘mitasi, “Navoiy KMK” DK, “Olmaliq KMK” AJ, Fanlar akademiyasi, Energetika vazirligi hamda Investitsiyalar va tashqi savdo vazirligi bilan birgalikda 2019-yil 1-noyabrga qadar texnogen chiqindilarni kompleks qayta ishlash va utilizatsiya qilish imkoniyatlarini tanqidiy o‘rganib chiqib, O‘zbekiston Respublikasi Vazirlar Mahkamasiga Texnogen chiqindilarni qayta ishlash texnologiyasini ishlab chiqish bo‘yicha ilmiy-tadqiqot ishlari dasturini kiritsin.

14. Ushbu qarorni amalga oshirish bo‘yicha batafsil amaliy chora-tadbirlar rejasi 7-ilovaga muvofiq tasdiqlansin.

Oldingi tahrirga qarang.

(15-band O‘zbekiston Respublikasi Prezidentining 2024-yil 24-dekabrdagi PF-224-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 27.12.2024-y., 06/24/224/1068-son)

16. Davlat geologiya qo‘mitasi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.

17. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Bosh vazirining o‘rinbosari J.A. Qo‘chqorov zimmasiga yuklansin.

O‘zbekiston Respublikasi Prezidenti Sh. MIRZIYOYEV

Toshkent sh.,

2019-yil 23-iyul,

PQ-4401-son

Oldingi tahrirga qarang.

(1-ilova O‘zbekiston Respublikasi Prezidentining 2021-yil 21-apreldagi PQ-5083-sonli qaroriga asosan o‘z kuchini yo‘qotgan— Qonun hujjatlari ma’lumotlari milliy bazasi, 22.04.2021-y., 07/21/5083/0371-son)

Oldingi tahrirga qarang.

(2-ilova O‘zbekiston Respublikasi Prezidentining 2021-yil 21-apreldagi PQ-5083-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 22.04.2021-y., 07/21/5083/0371-son)

O‘zbekiston Respublikasi Prezidentining 2019-yil 23-iyuldagi PQ-4401-son qaroriga
4-ILOVA

2020-2021-yillarda mineral-xom ashyo bazasini rivojlantirish va qayta tiklash davlat dasturini amalga oshirish uchun ajratiladigan

MABLAG‘LAR

mlrd. so‘m
T/r	Chora-tadbirlar	Jami*	shu jumladan:
T/r	Chora-tadbirlar	Jami*	2020-yil	2021-yil
Jami mablag‘lar, shu jumladan:		2 371,9	1 078,7	1 293,2
	*O‘zbekiston Respublikasi Davlat budjeti hisobidan*	1 819,2	827,3	991,9
	*Davlat geologiya qo‘mitasining O‘zbekiston Respublikasi Moliya vazirligi G‘aznachiligidagi maxsus maqsadli hisobraqami hisobidan***	552,7	251,4	301,3
1.	Geologiya-qidiruv ishlari, shu jumladan:	1 902,1	860,7	1 041,4
	O‘zbekiston Respublikasi Davlat budjeti hisobidan	1456,1	658,9	797,2
	Davlat geologiya qo‘mitasining O‘zbekiston Respublikasi Moliya vazirligi G‘aznachiligidagi maxsus maqsadli hisobraqami hisobidan	446	201,8	244,2
2.	Zamonaviy geologiya-qidiruv asbob-uskunalari, maxsus texnika vositalari, dasturiy mahsulotlar va materiallar sotib olish, shu jumladan:	439,8	205	234,8
	O‘zbekiston Respublikasi Davlat budjeti hisobidan	333,1	155,4	177,7
	Davlat geologiya qo‘mitasining O‘zbekiston Respublikasi Moliya vazirligi G‘aznachiligidagi maxsus maqsadli hisobraqami hisobidan	106,7	49,6	57,1
3.	Quyi tashkilotlarning obyektlarini jihozlash (O‘zbekiston Respublikasi Davlat budjeti hisobidan)	30	13	17

* Mablag‘lar miqdori mineral-xom ashyo bazasini rivojlantirish va qayta tiklash bo‘yicha har yillik davlat dasturlari doirasida aniqlashtiriladi va loyiha-smeta hujjatlarini ishlab chiqish hamda ekspertizadan o‘tkazish, shuningdek, tender savdolari (konkurslar) natijalari asosida belgilanadi.

O‘zbekiston Respublikasi Prezidentining 2019-yil 23-iyuldagi PQ-4401-son qaroriga
5-ILOVA

Geologiya-qidiruv ishlarini olib borishni yanada takomillashtirish, yer qa’rini oqilona o‘rganish va o‘zlashtirish, shuningdek, kon-geologiya sohasining investitsiyaviy jozibadorligini oshirish bo‘yicha

“YO‘L XARITASI”

T/r

Tadbirlar

Amalga oshirish mexanizmi

Amalga oshirish muddatlari

Mas’ullar

Yangi istiqbolli maydonlarni ajratish bo‘yicha izlash ishlari ulushini 35 foizgacha oshirishni hisobga olgan holda Mineral-xom ashyo bazasini rivojlantirish va qayta tiklash bo‘yicha 2020-yilga mo‘ljallangan davlat dasturi (keyingi o‘rinlarda — 2020-yilga mo‘ljallangan dastur)ni ishlab chiqish va tasdiqlash.

1. Foydali qazilmalar va yer osti suvlari zaxiralari va prognoz resurslarining o‘sish parametrlarini aniqlagan holda, 2020-yilga mo‘ljallangan dasturga kiritilishi va istiqbolli maydonlar ulushini oshirish bo‘yicha izlash ishlarini yo‘lga qo‘yish taklif qilinayotgan aniq obyektlar ro‘yxatini shakllantirish.

2. 2020-yilga mo‘ljallangan dastur loyihasini ishlab chiqish va manfaatdor vazirliklar va idoralar bilan kelishish.

3. 2020-yilga mo‘ljallangan dasturni tasdiqlash.

2019-yil sentabr

2019-yil oktabr

2019-yil noyabr

Davlat geologiya qo‘mitasi (Islamov),

Iqtisodiyot va sanoat vazirligi (Gulyamov),

Moliya vazirligi
(Ishmetov),

“Navoiy KMK” DK (Sanakulov),

“Olmaliq KMK” AJ (Xursanov)

Yangi istiqbolli maydonlarni ajratish bo‘yicha izlash ishlari ulushini 40 foizgacha oshirishni hisobga olgan holda Mineral-xom ashyo bazasini rivojlantirish va qayta tiklash bo‘yicha 2021-yilga mo‘ljallangan davlat dasturi (keyingi o‘rinlarda — 2021-yilga mo‘ljallangan dastur)ni ishlab chiqish va tasdiqlash.

1. Foydali qazilmalar va yer osti suvlari zaxiralari va prognoz resurslarining o‘sish parametrlarini aniqlagan holda, 2021-yilga mo‘ljallangan dasturga kiritilishi va istiqbolli maydonlar ulushini oshirish bo‘yicha izlash ishlarini yo‘lga qo‘yish taklif qilinayotgan aniq obyektlar ro‘yxatini shakllantirish.

2. 2021-yilga mo‘ljallangan dastur loyihasini ishlab chiqish va manfaatdor vazirliklar va idoralar bilan kelishish.

3. 2021-yilga mo‘ljallangan dasturni tasdiqlash.

2020-yil sentabr

2020-yil oktabr

2020-yil noyabr

Davlat geologiya qo‘mitasi (Islamov),

Iqtisodiyot va sanoat vazirligi (Gulyamov),

Moliya vazirligi
(Ishmetov),

“Navoiy KMK” DK (Sanakulov),

“Olmaliq KMK” AJ (Xursanov)

2020-yilga mo‘ljallangan davlat dasturining tasdiqlangan parametrlariga asosan geologiya-qidiruv ishlarining o‘z vaqtida va sifatli olib borilishini ta’minlash.

1. Har bir obyekt bo‘yicha aniq muddatlar va quyidagilar uchun mas’ul bo‘lgan tashkilotlarni nazarda tutuvchi “tarmoq grafiklari” ishlab chiqish va tasdiqlash:

geologiya-qidiruv ishlarini olib borish uchun geologik topshiriqlarni va loyiha-smeta hujjatlarini tasdiqlash;

foydali qazilmalarning prognoz resurslari va zaxiralari ko‘payishini hisoblab borgan holda geologiya-qidiruv ishlarini olib borish;

Davlat geologiya qo‘mitasining yig‘ilishlarida ko‘rib chiqish uchun geologiya-qidiruv ishlari natijalari to‘g‘risida hisobotlarni taqdim etish.

2. 2020-yilga mo‘ljallangan dasturga muvofiq hududlarni keng miqyosda mintaqaviy o‘rganish ishlarini, shuningdek, foydali qazilmalar prognoz resurslari va zaxiralarini o‘stirish bo‘yicha maqsadli ishlarni tashkil qilish va olib borish.

2019-yil sentabr

2020-yil,
tarmoq grafiklariga muvofiq

Davlat geologiya qo‘mitasi (Islamov)

Geologiya sohasining moddiy texnik bazasini zamonaviy asbob-uskunalar, maxsus texnik vositalar, dasturiy mahsulotlar va materiallar bilan o‘z vaqtida mustahkamlash va modernizatsiya qilishni ta’minlash.

1. 2020-yilda xarid qilinishi lozim bo‘lgan zamonaviy asbob-uskunalar, maxsus texnik vositalar, dasturiy mahsulotlar va materiallar ro‘yxatini shakllantirish.

2. Xarid qilinadigan texnika va asbob-uskunalar uchun texnik topshiriqlarni ishlab chiqish va o‘rnatilgan tartibda kelishish.

3. Texnika va asbob-uskunalarni yetkazib berish bo‘yicha tegishli kontraktlarni belgilangan tartibda tuzish.

4. Texnika va asbob-uskunalarni tayyorlash va yetkazib berish.

2019-yil sentabr

2020-yil mart

2020-yil,
tarmoq grafiklariga muvofiq

Davlat geologiya qo‘mitasi (Islamov),

Moliya vazirligi
(Ishmetov),

Iqtisodiyot va sanoat vazirligi (Gulyamov)

Istiqbolli maydonlar va konlarni o‘rganish jarayoniga Yerni masofadan zondlashning zamonaviy usullari va texnologiyalarini maqsadli rivojlantirish hamda keng joriy qilish bo‘yicha choralar ko‘rish.

1. Istiqbolli maydonlar va konlarni o‘rganish jarayoniga Yerni masofadan zondlashning zamonaviy usullari va texnologiyalarini maqsadli rivojlantirish hamda keng joriy qilish bo‘yicha “Yo‘l xaritasi”ni ishlab chiqish hamda tasdiqlash.

2. “Yo‘l xaritasi”ga muvofiq quyidagilarni ta’minlash:

xalqaro konsultantlarni jalb qilish va zamonaviy usullar va texnologiyalarni joriy qilish bo‘yicha tavsiyalar ishlab chiqish;

yer qa’rini geologik o‘rganishga aniqligi yuqori bo‘lgan raqamli kosmik tasvirlarni bosqichma-bosqich joriy qilish;

eng yangi dasturiy mahsulotlar va asbob-uskunalarni qo‘llash;

minerallar va tog‘ jinslarining milliy spektral kutubxonasini tashkil qilish.

2019-yil avgust

2020-yil,
belgilangan muddatlarda

Davlat geologiya qo‘mitasi (Islamov)

Fundamental, ilmiy-amaliy va innovatsion tadqiqotlarni joriy qilgan holda fan va amaliyotni yanada integratsiyalashtirish bo‘yicha chora-tadbirlarni amalga oshirish.

1. Aniq muddatlarni va mas’ul ijrochilarni belgilagan holda “Fan va amaliyotni yanada integratsiyalashtirish bo‘yicha kompleks chora-tadbirlar rejasi”ni ishlab chiqish va tasdiqlash.

2. Kompleks chora-tadbirlarga muvofiq quyidagilarni ta’minlash:

geologiya-qidiruv amaliyotiga soha institutlarining istiqbolli maydonlarni prognoz qilishga (shu jumladan hududlarda olmos topish istiqbollarini hamda minerallashgan va plast suvlarida qimmatbaho va nodir metallar mavjudligini o‘rganishga) yo‘naltirilgan fundamental, ilmiy-amaliy va innovatsion tadqiqotlari natijalarini joriy qilish;

foydali qazilmalar konlarining 3D-modellarini ishlab chiqish;

GAT-texnologiyalari negizida raqamli kartografik materiallarini yaratish.

2019-yil avgust

2020-yil, belgilangan muddatlarda

Davlat geologiya qo‘mitasi (Islamov),

Iqtisodiyot va sanoat vazirligi (Gulyamov)

Geologiya-qidiruv ishlari hisobotlarini tuzishning xalqaro standartlarini joriy qilish va foydali qazilmalar zaxiralarini JORC Kodeksiga muvofiq tasdiqlash masalasini ishlab chiqish.

1. Xalqaro konsalting kompaniyalari va ekspertlarni saralab olish va o‘rnatilgan tartibda ular bilan kontraktlar tuzish.

2. Amaldagi normativ hujjatlarni geologiya-qidiruv ishlari samaradorligini oshirish uchun moslashtirish bo‘yicha tavsiyalar, shuningdek, geologiya-qidiruv ishlari hisobotlarini tuzishning xalqaro standartlarini joriy qilish va foydali qazilmalar zaxiralarini JORC Kodeksiga muvofiq tasdiqlashga doir takliflar ishlab chiqish.

3. Geologiya-qidiruv ishlarini olib borish bo‘yicha uslubiy qo‘llanmalar, to‘plamlar va bo�qa hujjatlarni xalqaro standartlar nuqtai nazaridan qayta ko‘rib chiqish.

4. Xalqaro konsultantlarni jalb qilgan holda soha mutaxassislarini JORC Kodeksi standartlari bo‘yicha o‘qitish.

2020-yil mart

2020-yil iyun

2020-yil
iyuldan boshlab

Davlat geologiya qo‘mitasi (Islamov),

Moliya vazirligi
(Ishmetov)

Yer qa’rini regional o‘rganish va geologik xaritalash, shuningdek, mavjud geologik holatni va boshqa axborotlarni raqamlashtirishga axborot dasturlari va axborot-kommunikatsiya texnologiyalarini (AKT) joriy qilish.

1. Yer qa’rini regional o‘rganish va geologik xaritalashga axborot dasturlari va AKTni joriy qilish mexanizmini ishlab chiqish.

2. Geologik tadqiqotlar jarayoniga joriy qilish uchun tavsiya etiladigan dasturiy mahsulotlar va asbob-uskunalar ro‘yxatini aniqlash hamda tegishli xarid tartib-taomillarini amalga oshirish.

3. Axborot dasturlari va AKTni belgilangan tartibda xarid qilish va geologiya sohasiga joriy etish.

4. AKTni ishlab chiqish va geologiya sohasiga joriy qilish uchun ixtisoslashtirilgan korxonalarni jalb qilish.

5. Jahon standartlari asosida geologik axborotlarni raqamlashtirish bo‘yicha xalqaro tajribani o‘rganish va ularni raqamlashtirish bo‘yicha chora-tadbirlarni bosqichma-bosqich amalga oshirish.

2019-yil avgust

2019-yil sentabr,
belgilangan muddatlarda

doimiy ravishda

kelishuv asosida

Davlat geologiya qo‘mitasi (Islamov),

Axborot texnologiyalari va kommunikatsiyalarini rivojlantirish vazirligi

(Sadikov)

Raqamlashtirilgan geologik axborotlardan foydalanish imkoniyatini oshirish maqsadida davlat geologiya fondining arxiv materiallari bo‘yicha raqamli axborotlar bankini yaratish.

1. Jahon standartlari asosida raqamli axborot bankini yaratish bo‘yicha xalqaro tajribani o‘rganish.

2. Geologik hisobotlar arxivining ma’lumotlar bazasini yaratish ishlarini kuchaytirish va jahon standartlari asosida raqamli axborotlar bankini yaratish bo‘yicha chora-tadbirlarni bosqichma-bosqich amalga oshirish.

2019-yil sentabr

2019-yil oktabrdan boshlab

Davlat geologiya qo‘mitasi

(Islamov)

10.

Kartografik, geologik-tahliliy axborotlarni joylashtirgan holda foydali qazilmalar konlarining interaktiv xaritasini yaratish.

1. Foydali qazilmalar konlarining interaktiv xaritasini tuzish va yuritish bo‘yicha xalqaro tajribani o‘rganish.

2. Foydali qazilmalar konlari va ulardan GAT-texnologiyalari negizida foydalanish bo‘yicha raqamli kartografik, geologik-tahliliy axborotlarni tayyorlash, shuningdek, interaktiv xaritani tizimli asosda yangilab borish.

2019-yil sentabr

doimiy ravishda

Davlat geologiya qo‘mitasi

(Islamov)

11.

Qattiq foydali qazilmalarning istiqbolli maydonlari va konlari (zaxiralar, joylashgan o‘rni, joylashuv chuqurligi) bo‘yicha yagona elektron onlayn baza yaratish.

1. Qattiq foydali qazilmalarning istiqbolli maydonlari va konlari (zaxiralar, joylashgan o‘rni, joylashuv chuqurligi) bo‘yicha bazani yaratish va uni Davlat geologiya qo‘mitasining rasmiy veb-saytida joylashtirish.

2. Qattiq foydali qazilmalarning istiqbolli maydonlari va konlari bazasining tizimli asosda yangilash, shuningdek, mahalliy va chet el investorlariga ushbu baza bilan tanishish imkoniyatini ta’minlash.

2019-yil dekabr

doimiy ravishda

Davlat geologiya qo‘mitasi (Islamov),

Axborot texnologiyalari va kommunikatsiyalarini rivojlantirish vazirligi (Sadikov)

Davlat geologiya qo‘mitasi (Islamov)

12.

“Navoiy KMK” DK va “Olmaliq KMK” AJ balansiga beriladigan, shuningdek, xorijiy investorlar bilan birga ishlab chiqilishi ko‘zda tutilgan geologik obyektlarning aniq chegaralarini belgilash.

1. Kon-metallurgiya kombinatlari balansiga berilishi lozim bo‘lgan geologik obyektlar ro‘yxatini ishlab chiqish.

2. “Navoiy KMK” DK, uning negizida tashkil etiladigan uranni qazib olish va qayta ishlash korxonalari, shuningdek, “Olmaliq KMK”AJ resurs bazasiga biriktiriladigan geologiya obyektlari ro‘yxatini kelishish va belgilangan tartibda O‘zbekiston Respublikasi Vazirlar Mahkamasiga tasdiqlash uchun kiritish.

3. Kon-metallurgiya kombinatlari geologik obyektlarini foydalanishga topshirishning aniq muddatlarini hisobga olgan holda ularning ro‘yxatini tasdiqlash.

4. Salohiyatli investorlar bilan ushburo‘yxatga kiritilmagan geologiya obyektlari bo‘yicha investitsiya loyihalarini ishlab chiqish.

2019-yil avgust

2019-yil sentabr

doimiy ravishda

Iqtisodiyot va sanoat vazirligi (Gulyamov),

Davlat geologiya qo‘mitasi (Islamov), “Navoiy KMK” DK (Sanakulov),

“Olmaliq KMK” AJ (Xursanov),

Energetika vazirligi (Sultanov),

ITSV (Kudratov)

13.

Foydali qazilmalarning strategik muhim turlariga ega yer qa’ri uchastkalaridan foydalanish huquqini beruvchi litsenziyalarni taqdim etish tartibini soddalashtirish va takomillashtirish.

1. Kon-ruda tarmog‘ida investitsiya loyihalarini amalga oshirish bo‘yicha xalqaro tajribani (hamkorlikning shakllari va shartlari, tartibga solish bazasi, yer osti boyliklarini soliqqa tortish) o‘rganish va tahlil qilish.

2. Foydali qazilmalarning strategik muhim turlariga ega yer qa’ri uchastkalaridan foydalanish huquqini beruvchi litsenziyalarni taqdim etish tartibini takomillashtirish bo‘yicha aniq takliflarni ishlab chiqish va O‘zbekiston Respublikasi Vazirlar Mahkamasiga belgilangan tartibda taqdim etish.

2019-yil avgust

2019-yil sentabr

Davlat geologiya qo‘mitasi (Islamov)

Moliya vazirligi

(Ishmetov),

Iqtisodiyot va sanoat vazirligi (Gulyamov), ITSV (Kudratov),

Davlat soliq qo‘mitasi (Mirzayev)

14.

Tizimli asosda investitsiya obyektlari (shu jumladan geologik va boshqa ma’lumotlar) portfelini shakllantirish va ular haqida salohiyatli xorijiy investorlarni xabardor qilish.

1. Investitsiyalar jalb qilish uchun ustuvor geologiya obyektlar ro‘yxatini ishlab chiqish.

2. Taqdimot materiallari, geologik va boshqa ma’lumotlar (grafik ilovalar va tahliliy ma’lumotlar)ni o‘z ichiga olgan investitsiya portfelini tayyorlash.

3. Istiqbolli maydonlarda foydali qazilma boyliklarini qidirish va razvedka qilish, shuningdek, konlarda foydali qazilma boyliklarini qazib olishni tashkil qilish bo‘yicha investitsiya takliflari portfelini kelishish.

4. Salohiyatli investorlarni jalb qilish Investitsiya takliflarini taqdimot materiallari bilan birga o‘z rasmiy veb saytida joylashtirish va boshqa qulay rasmiy vositalar bilan, shu jumladan salohiyatli investorlarni jalb qilish uchun biznes tadbirlarda ishtirok etish hamda chet ellarda “road-show”lar o‘tkazish orqali tarqatish.

2019-yil sentabr

2019-yil dekabr,

keyinchalik har yili

2020-yil fevral

doimiy ravishda

Davlat geologiya qo‘mitasi (Islamov)

Iqtisodiyot va sanoat vazirligi (Gulyamov), ITSV (Kudratov),

Davlat geologiya qo‘mitasi (Islamov)

Davlat geologiya qo‘mitasi

(Islamov),

ITSV (Kudratov),

Tashqi ishlar vazirligi (Kamilov)

15.

Xorijiy o‘quv markazlarida geologiya sohasidagi mahalliy mutaxassislarning amaliyotini tashkil etish va iqtidorli yosh mutaxassislarni xorijiy oliy o‘quv yurtlarda o‘qitish.

1. Sohadagi haqiqiy talabdan kelib chiqqan xolda xorijiy amaliyotlar va oliy o‘quv yurtlarda o‘qitishni tashkil etish uchun geologiya sohasining ixtisoslashtirilgan yo‘nalishlarini va mutaxassislar sonini aniqlash.

2. Xalqaro ilmiy markazlar, mahalliy va xorijiy oliy ta’lim muassasalari ro‘yxatini ishlab chiqib, kadrlar malakasini oshirish va o‘qitishni tashkillashtirish.

2019-yil avgust

doimiy ravishda

Davlat geologiya qo‘mitasi (Islamov)

Oliy va o‘rta maxsus ta’lim vazirligi

(Majidov)

Davlat geologiya qo‘mitasi (Islamov)

16.

Geologiya sohasi kadrlari malakasini oshirish va qayta tayyorlash instituti faoliyatini xalqaro ta’lim standartlariga muvofiq takomillashtirish.

1. Kadrlar malakasini oshirish va qayta tayyorlash bo‘yicha jahon tajribasini chuqur o‘rganish va qiyosiy tahlil qilish.

2. Geologiya sohasi kadrlari malakasini oshirish va qayta tayyorlash institutida zamonaviy xalqaro ta’lim standartlarini joriy etish va uning moddiy-texnik bazasini mustahkamlashni hisobga olgan holda uning faoliyatini takomillashtirish bo‘yicha “Yo‘l xaritasi”ni ishlab chiqish.

2019-yil avgust

2019-yil sentabr

Davlat geologiya qo‘mitasi (Islamov)

17.

Respublika hududlaridagi haqiqiy vaziyatni hisobga olgan holda yer osti suvlarini monitoring qilishni tashkillashtirishning samaradorligini oshirish.

1. Respublikaning tegishli hududlari kesimida yer osti suvlarini monitoring qilish sohasidagi ishlarning haqiqiy ahvolini tanqidiy o‘rganish va muammoli masalalarni aniqlash.

2. Yer osti suvlarini hududlar kesimida monitoring qilish parametrlariga umumiy ko‘rsatkichlar (O‘zbekiston Respublikasi Prezidentining 2017-yil 4-maydagi PQ-2954-son qaroriga 3 va 5-ilovalar) o‘zgartirish va qo‘shimchalar kiritish.

3. Umumiy ko‘rsatkichlar doirasidagi qo‘shimcha va o‘zgartirishlarni hisobga olgan holda yer osti suvlarini lozim darajada monitoringini ta’minlash.

2019-yil avgust

2019-yil sentabr

belgilangan muddatlarda

Davlat geologiya qo‘mitasi (Islamov)

18.

Texnogen chiqindilarni chuqur qayta ishlash va utilizatsiya bo‘yicha aniq takliflar tayyorlash va ular asosida talabgor mahsulotlar ishlab chiqarishni tashkillashtirish.

1. Respublika tog‘-metallurgiya korxonalarining to‘planib qolgan texnogen chiqindilari holatini tanqidiy o‘rganish.

2. Texnogen chiqindilarni chuqur qayta ishlash va ular asosida talabgor mahsulotlar ishlab chiqarish bo‘yicha texnologik yechimlar borasidagi xalqaro tajribani tahlil qilish va har tomonlama o‘rganish.

3. Asoslantirilgan takliflar ishlab chiqish va O‘zbekiston Respublikasi Vazirlar Mahkamasiga kiritish.

2019-yil avgust

2019-yil sentabr

2019-yil oktabr

Iqtisodiyot va sanoat vazirligi (Gulyamov),

Moliya vazirligi

(Ishmetov),

Davlat ekologiya qo‘mitasi (Islomov),

“Navoiy KMK” DK (Sanaqulov),

“Olmaliq KMK” AJ (Xursanov),

Davlat geologiya qo‘mitasi (Islamov),

Energetika vazirligi (Sultanov),

Fanlar akademiyasi (Yuldashev),

ITSV (Qudratov)

19.

Kon-geologiya faoliyatini nazorat qilish inspeksiyasining ish samaradorligini va konlarni ishlatishga qo‘yishni oshirish, shuningdek, mazkur sohada davlat nazorati samaradorligini oshirish uchun xodimlarning maoshini ikki baravardan kam bo‘lmagan miqdorda oshirish.

1. Qattiq foydali qazilma konlarini sanoat yo‘li bilan o‘zlashtirish holatini tizimli monitoring qilishni ta’minlash, shuningdek, mahalliy davlat hokimiyati organlari, tadbirkorlik ��ubyektl�ri bilan birgalikda mintaqalardagi konlarni o‘zlashtirish bo‘yicha takliflar tayyorlash va qattiq foydali qazilmalarning mavjud zaxiralarini aniqlashtirish.

2. Hududlarning o‘ziga xosliklaridan kelib chiqqan holda, mintaqadagi mineral-xom ashyo resurslarni sanoat yo‘li bilan, shu jumladan tadbirkorlik subyektlari tomonidan ishlab chiqishga jalb qilish faolligini baholash ko‘rsatkichini kiritish, shuningdek, ularga qattiq foydali qazilma konlarini ishga tushirishga tayyorlashda ko‘maklashish.

3. Kon-geologik faoliyatni nazorat qilish inspeksiyasi xodimlarining maoshini oshirish bo‘yicha asoslantirilgan hisob-kitoblar tayyorlash va O‘zbekiston Respublikasi Moliya vazirligiga kiritish.

doimiy

2019-yil sentabr

Davlat geologiya qo‘mitasi (Islamov)

Iqtisodiyot va sanoat vazirligi (Gulyamov)

Davlat geologiya qo‘mitasi (Islamov),

Moliya vazirligi

(Ishmetov)

20.

Davlat geologiya qo‘mitasi “Urankamyobmetgeologiya” DUK balansidagi posyolka tipidagi uylarni belgilangan tartibda tegishli mahalliy davlat hokimiyati organlariga o‘tkazish.

1. Davlat geologiya qo‘mitasi tashkilotlari balansidagi posyolka tipidagi uylarni xatlovdan o‘tkazish (Navoiy viloyati Konimex tumanida 125 ta uy va Uchquduq tumanida 49 ta uy, Samarqand viloyati Nurobod tumanida 28 ta uy).

2. Mazkur posyolka tipidagi uylarni hozirgi holatida belgilangan tartibda tegishli mahalliy davlat hokimiyati organlariga o‘tkazish.

2019-yil avgust

2019-yil sentabr

Davlat geologiya qo‘mitasi (Islamov),

Navoiy va Samarqand viloyati hokimliklari

21.

Mazkur qarorda nazarda tutilgan vazifalarning o‘z vaqtida va sifatli bajarilishini ta’minlash.

1. Muammoli masalalarni hal qilish bo‘yicha oldini oluvchi choralarni qabul qilgan holda, mazkur qarorda nazarda tutilgan vazifalar ijrosining borishini ko‘rib chiqish.

2. Mazkur qaror ijrosining borishi to‘g‘risida O‘zbekiston Respublikasi Prezidenti Administratsiyasiga axborot taqdim etish.

2020-yil fevralga qadar har oyda, kelgusida har chorakda

2020-yil fevralga qadar har oyda, kelgusida har chorakda (hisobot oyidan keyingi oyning 10-sanasiga qadar)

O‘zbekiston Respublikasi Prezidentining
2017-yil 4-maydagi
PQ-2954-son qarori bilan tashkil etilgan O‘zbekiston Respublikasi mineral-xom ashyo bazasini rivojlantirish strategiyasini amalga oshirishni muvofiqlashtirish bo‘yicha ishchi guruh

(Qo‘chqorov)

Vazirlar Mahkamasi (Qo‘chqorov)

O‘zbekiston Respublikasi Prezidentining 2019-yil 23-iyuldagi PQ-4401-son qaroriga
6-ILOVA

Davlat geologiya qo‘mitasi tomonidan geologiya tashkilotlari uchun joylarda tashkil etiladigan zamonaviy kern saqlash omborxonalari, jihozlanadigan laboratoriya quvvatlari va boshqa obyektlar

RO‘YXATI

mln so‘m
T/r	Hududlarning nomlanishi	Chora-tadbirlar	Qurilish obyektlari		shu jumladan yillar bo‘yicha:
T/r	Hududlarning nomlanishi	Chora-tadbirlar	obyektlar soni	zarur mablag‘lar*	2020-y.	2021-y.
Kern saqlash omborxonalarini jihozlash
1.	Qizilqum-Nurota hududi	Zarur asbob-uskunalar va inventar bilan jihozlangan kern saqlash omborxonalari va maydalash sexlarini qurish.	7	11 500	4 500	7 000
2.	G‘arbiy-O‘zbekiston hududi	Zarur asbob-uskunalar va inventar bilan jihozlangan kern saqlash omborxonalari va maydalash sexlarini qurish.	1	1 000	500	500
3.	Janubiy-O‘zbekiston hududi	Zarur asbob-uskunalar va inventar bilan jihozlangan kern saqlash omborxonalari va maydalash sexlarini qurish.	2	2 500	1 000	1 500
4.	Sharqiy-O‘zbekiston hududi	Zarur asbob-uskunalar va inventar bilan jihozlangan kern saqlash omborxonalari va maydalash sexlarini qurish.	2	3 500	1 500	2 000
Laboratoriyalarni jihozlash
5.	Sharqiy-O‘zbekiston hududi	Zarur laboratoriya mebellari va inventar bilan jihozlangan kimyo-texnologiya laboratoriya binosini jihozlash.	1	2 000	750	1 250
Ijtimoiy obyektlarni jihozlash va infratuzilmani yaratish
6.	Sharqiy-O‘zbekiston hududi	Stratigrafik partiya binosidagi zarur mebellar va inventar bilan jihozlangan yotoqxonani jihozlash.	1	1 500	750	750
6.	Sharqiy-O‘zbekiston hududi	Tarmoq mutaxassislari uchun zarur asbob-uskuna va inventar bilan jihozlangan yotoqxona qurish.	1	5 000	1 000	4 000
7.	Qizilqum-Nurota hududi	Geologlarning bazaviy shaharchasi uchun muhandislik kommunikatsiyani qurish va infratuzilmani (suv, elektr va gaz ta’minoti, kanalizatsiya, ichki yo‘llar va to‘siqlar) yaratish.	1	3 000	3 000	-
Tarmoq bo‘yicha jami:			16	30 000	13 000	17 000

* Hajmlar va zarur mablag‘lar taxminiy bo‘lib, ularga loyiha-smeta hujjatlarini ishlab chiqish va ekspertizadan o‘tkazish davomida aniqlik kiritilishi lozim.

O‘zbekiston Respublikasi Prezidentining 2019-yil 23-iyuldagi PQ-4401-son qaroriga
7-ILOVA

O‘zbekiston Respublikasi Prezidentining 2019-yil 23-iyuldagi PQ-4401-son qarorini amalga oshirish bo‘yicha batafsil amaliy chora-tadbirlar

REJASI

T/r

Qaror bandlari

Bajarish muddati va amalga oshirish mexanizmi

Nazorat uchun mas’ul

Vazirlik va idoralardan

O‘zbekiston Respublikasi Prezidenti Administratsiyasi va Vazirlar Mahkamasidan

2. Davlat geologiya qo‘mitasi tomonidan O‘zbekiston Respublikasi Moliya vazirligi, Iqtisodiyot va sanoat vazirligi, “Navoiy KMK” DK va “Olmaliq KMK” AJ bilan birgalikda ishlab chiqilgan, konlarni topishni davom ettirish uchun qidiruv zaxiralarini ko‘paytirish maqsadida foydali qazilmalarning istiqbolli maydonlarini qidirishni 2020-yilda 35 foizga, 2021-yilda esa 40 foizga yetkazishni nazarda tutuvchi va quyidagilarni o‘z ichiga olgan 2020-2021-yillarda mineral-xom ashyo bazasini rivojlantirish va qayta tiklash davlat dasturi (keyingi o‘rinlarda — Davlat dasturi) ma’qullansin:

1-ilovaga muvofiq respublikaning geologik-iqtisodiy hududlari kesimida foydali qazilmalar prognoz resurslari va zaxiralari o‘sishining yig‘ma parametrlari;

2-ilovaga muvofiq yer osti suvlari zaxiralarining o‘sish parametrlari;

3-ilovaga * muvofiq Davlat geologiya qo‘mitasining geologiya tashkilotlari moddiy-texnika bazasini mustahkamlash va modernizatsiya qilish uchun xarid qilinadigan zamonaviy geologiya asbob-uskunalari va maxsus texnika vositalari, dasturiy mahsulotlar va materiallar ro‘yxati.

Batafsil chora-tadbirlar rejasini ishlab chiqish va tasdiqlash —
2019-yil
10-avgustga qadar

har oyda
batafsil chora-tadbirlar rejasi ijrosi bo‘yicha

O‘zbekiston Respublikasi Prezidenti Administratsiyasi va Vazirlar Mahkamasiga ma’lumot kiritish

Moliya vazirligi

(T. Ishmetov),

Iqtisodiyot va sanoat vazirligi

(R. Gulyamov),

Davlat geologiya qo‘mitasi