logo

Uzbek Overseas Geology Company

Bosh sahifa O'zbekiston Respublikasi Prezidentining 2020-yil 30-iyundagi PQ-4766-son qarori

O'zbekiston Respublikasi Prezidentining 2020-yil 30-iyundagi PQ-4766-son qarori

O‘zbekiston Respublikasi Prezidentining
Qarori
Tabiatni muhofaza qilish davlat muassasasi shaklidagi Kitob geologiya milliy tabiat bog‘ini tashkil etish to‘g‘risida
O‘zbekiston Respublikasi Davlat geologiya va mineral resurslar qo‘mitasining Kitob davlat geologiya qo‘riqxonasi davlat muassasasi hududidagi asrlar davomida shakllangan noyob tabiat yodgorliklari hamda devon davriga mansub xalqaro e’tirof etilgan “Zinzilban” kesmasining geologiya fanida tutgan o‘rni va mavqeyini yanada mustahkamlash, shuningdek, hududning geoturizm va iqtisodiy salohiyatini yanada oshirish maqsadida:
1. O‘zbekiston Respublikasi Davlat geologiya va mineral resurslar qo‘mitasi, Ekologiya va atrof muhitni muhofaza qilish davlat qo‘mitasi, Turizmni rivojlantirish davlat qo‘mitasining Qashqadaryo viloyati Kitob tumanidagi Kitob davlat geologik qo‘riqxonasi davlat muassasasi negizida tabiatni muhofaza qilish davlat muassasasi shaklidagi Kitob geologiya milliy tabiat bog‘ini tashkil etish to‘g‘risidagi taklifi ma’qullansin.
2. O‘zbekiston Respublikasi Vazirlar Mahkamasi ikki hafta muddatda O‘zbekiston Respublikasi Davlat geologiya va mineral resurslar qo‘mitasi tasarrufidagi Kitob davlat geologiya qo‘riqxonasi davlat muassasasi negizida tabiatni muhofaza qilish davlat muassasasi shaklidagi Kitob geologiya milliy tabiat bog‘ini tashkil etish bo‘yicha Hukumat qarorini qabul qilsin.
Oldingi tahrirga qarang.
(3-band O‘zbekiston Respublikasi Prezidentining 2024-yil 19-apreldagi PF-67-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 27.04.2024-y., 06/24/67/0307-son)
4. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2020-yil 30-iyun,
PQ-4766-son
Oldingi tahrirga qarang.
(ilova O‘zbekiston Respublikasi Prezidentining 2024-yil 19-apreldagi PF-67-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 27.04.2024-y., 06/24/67/0307-son)

 

(Qonun hujjatlari ma’lumotlari milliy bazasi, 01.07.2020-y., 07/20/4766/1008-son; Qonunchilik ma’lumotlari milliy bazasi, 12.12.2022-y., 07/22/439/1081-son; 27.04.2024-y., 06/24/67/0307-son)