O'zbekiston Respublikasi Prezidentining 24.08.2020 yildagi PF-6044-son Farmoni

O‘zbekiston Respublikasi Prezidentining

Farmoni

Litsenziyalash va ruxsat berish tartib-taomillarini tubdan takomillashtirish chora-tadbirlari to‘g‘risida

So‘nggi yillarda respublikada ishbilarmonlik va investitsiya muhitini tubdan yaxshilash, ortiqcha byurokratik to‘siqlarni bartaraf etish, eskirgan, zamon talablariga mos kelmaydigan tartib-taomillarni takomillashtirish borasida izchil chora-tadbirlar amalga oshirilmoqda.

Mazkur yo‘nalishlarda olib borilgan ishlar litsenziyalash va ruxsat berish tizimini liberallashtirish hamda institutsional isloh qilishning yangi bosqichini boshlash uchun mustahkam asos yaratdi.

Litsenziyalash va ruxsat berish tartib-taomillarini tubdan takomillashtirish hamda byurokratik to‘siqlarni bartaraf etish orqali tadbirkorlik subyektlari faoliyati uchun yanada keng shart-sharoitlarni yaratish maqsadida:

1. Adliya vazirligi, Tadbirkorlik subyektlarining huquqlari va qonuniy manfaatlarini himoya qilish bo‘yicha vakil, Monopoliyaga qarshi kurashish qo‘mitasi va Savdo-sanoat palatasining quyidagilarni nazarda tutuvchi takliflariga rozilik berilsin:

birinchi bosqichda (2020-yil davomida) — fuqarolar sog‘lig‘iga va jamiyatga ziyon yetkazmaydigan litsenziya va ruxsat etish xususiyatiga ega hujjatlarning ayrim turlarini qisqartirish va tartibga solishning muqobil usullariga o‘tkazish, tadbirkorlik subyektlaridan ortiqcha hujjat talab qilmaslik va ularning vaqt hamda mablag‘lari sarflanishini kamaytirish uchun tartib-taomillarni soddalashtirish, tegishli hujjatlarni berish jarayonlarini to‘liq raqamlashtirish orqali shaffoflikni ta’minlash;

ikkinchi bosqichda (2020-2021-yillar davomida) — litsenziyalash va ruxsat berish sohasidagi qonun hujjatlarini tizimlashtirish, davlat xizmatlari ko‘rsatishning pasportlarini ishlab chiqish, ayrim turdagi litsenziya va ruxsat etish xususiyatiga ega hujjatlar berishning namunaviy ma’muriy reglamentlarini joriy qilgan holda normativ-huquqiy hujjatlar sonini tubdan qisqartirish.

2. Belgilansinki 2021-yil 1-yanvardan boshlab:

a) litsenziyalanadigan faoliyat va ruxsat etish xususiyatiga ega hujjatlarning:

1-ilovaga muvofiq ayrim turlari bekor qilinadi;

2-ilovaga muvofiq ayrim turlari birlashtirish yo‘li bilan bekor qilinadi;

3-ilovaga muvofiq ayrim turlari xabardor qilish tartibi joriy etilishi yo‘li bilan bekor qilinadi;

b) 4-ilovaga muvofiq litsenziyalanadigan faoliyat va ruxsat etish xususiyatiga ega hujjatlarning ayrim turlarini rasmiylashtirish muddatlari qisqartiriladi.

Xabardor qilish tartibi joriy etilgan faoliyat (harakat) uchun rasmiylashtirilgan litsenziya yoki ruxsat etish xususiyatiga ega hujjatlarning amal qilishi o‘z kuchida qoladi va ushbu faoliyat (harakat)ni amalga oshirish uchun vakolatli organni xabardor qilish talab etilmaydi.

Litsenziya va ruxsat etish xususiyatiga ega hujjatlarni berishga vakolatli hamda xabarnomalarni qabul qiladigan organlar (keyingi o‘rinlarda — vakolatli organlar) 2021-yil 1-yanvarga qadar avval rasmiylashtirilgan litsenziya va ruxsat etish xususiyatiga ega hujjatlar reyestrini xatlovdan o‘tkazsin va yangi tartib asosida yuritilishini ta’minlasin.

3. Litsenziya va ruxsat etish xususiyatiga ega hujjatlarni olish tartib-taomillarini yanada qisqartirish va soddalashtirishga qaratilgan chora-tadbirlar rejasi 5-ilovaga muvofiq tasdiqlansin.

4. 2021-yil 1-yanvardan boshlab:

a) turizm faoliyatini litsenziyalashda turoperatorlar xizmatlarini sertifikatlash ixtiyoriy etib belgilansin;

b) quyidagilar bekor qilinsin:

kredit byurolari faoliyatini litsenziyalashda kamida 10 ta tijorat banki bilan kredit almashinuvini amalga oshirishga roziligini tasdiqlovchi hujjat mavjudligi talabi;

dori vositalari va tibbiy buyumlarni chakana realizatsiya qilish faoliyatini litsenziyalashda ushbu faoliyat uchun litsenziyaga ega bo‘lgan yuridik shaxslar tomonidan ularning xuddi shunday faoliyat bilan shug‘ullanuvchi filiallari tashkil etilganda har bir filial manzilini asosiy litsenziyada ko‘rsatish amaliyotini joriy qilish orqali filiallarga alohida litsenziya rasmiylashtirish amaliyoti;

yer qa’ri uchastkalaridan foydalanish huquqi uchun litsenziya olishda talabgordan mahalliy davlat hokimiyati organlarining kafolat xatlarini olishni talab qilish tartibi.

5. Belgilansinki:

xabardor qilish tartibida amalga oshiriladigan faoliyat jumlasiga faoliyatni boshlash yoki harakatni amalga oshirish uchun vakolatli organ tomonidan qaror qabul qilinishi talab etilmaydigan, biroq davlat tomonidan tartibga solinishi hamda tegishli faoliyat bilan shug‘ullanayotgan subyektlarning hisobini yuritishni ta’minlash uchun qonun hujjatlarida belgilangan talab va shartlarga rioya etish majburiyatini o‘z zimmasiga olish orqali amalga oshiriladigan faoliyat turlari kiradi;

xabarnoma yuborish orqali jismoniy va yuridik shaxslar xabardor qilish tartibi joriy etilgan faoliyat yoki harakatni amalga oshirish uchun qonun hujjatlarida belgilangan talab va shartlarga muvofiq ekanliklarini tasdiqlaydi. Bunda, avtomatlashtirilgan elektron tizim orqali qonun hujjatlarida belgilangan talab va shartlarga muvofiqligi hujjatlarni taqdim etish jarayonida ustuvor ravishda inson aralashuvisiz tekshiruvdan o‘tkaziladi;

amalga oshirilishi uchun litsenziya, ruxsat etish xususiyatiga ega hujjat va vakolatli organni xabardor qilish talab etiladigan faoliyat turlari ro‘yxatlari qonun bilan tasdiqlanadi hamda tegishli qonun qabul qilingandan so‘ng ushbu ro‘yxatlarga kiritilmagan faoliyat yoki harakatni amalga oshirish uchun jismoniy va yuridik shaxslardan ma’muriy tartib-taomillardan o‘tishni talab qilishga yo‘l qo‘yilmaydi.

6. Vakolatli organlar tomonidan quyidagi harakatlarning amalga oshirilishi taqiqlansin:

litsenziyalar berish, ularning amal qilish muddatini uzaytirish va ularni qayta rasmiylashtirishda litsenziya talabgorining elektr energiyasi, tabiiy gaz yetkazib berish, suv ta’minoti va suv chiqarish xizmatlari, qattiq maishiy chiqindilarni to‘plash va olib chiqib ketish xizmatlari uchun majburiy to‘lovlar bo‘yicha, shuningdek, ijro hujjatlari bo‘yicha qarzdorligi mavjudligi sababli davlat xizmatlari ko‘rsatishni rad etish;

litsenziya va ruxsat etish xususiyatiga ega hujjatlarni davlat organlari va tadbirkorlik subyektlari o‘rtasida tuziladigan o‘zaro shartnomalarga almashtirish;

litsenziya va ruxsat etish xususiyatiga ega hujjatlarni berish haqidagi arizalarni ko‘rib chiqish, ushbu hujjatlarni berish, shuningdek, nazorat funksiyalarini amalga oshirish jarayonida tadbirkorlik subyektini litsenziya va ruxsat berishga doir talab va shartlarda nazarda tutilmagan haq evaziga boshqa turdagi xizmatlardan foydalanishga yoki ruxsat etish xususiyatiga ega hujjatlarni olishga bevosita yoki bilvosita majburlash.

7. 2020-yilda muddati tugaydigan barcha litsenziya va ruxsat etish xususiyatiga ega hujjatlarning amal qilish muddati 2021-yil 1-yanvarga qadar uzaytirilsin va ularning muddati o‘tganligi munosabati bilan javobgarlikka tortish va boshqa choralar qo‘llanilishi taqiqlansin.

8. Faoliyatning litsenziyalanadigan turi bilan shug‘ullanadigan hamda O‘zbekiston Respublikasi Prezidenti yoki Vazirlar Mahkamasi qarorlari bilan tashkil etilgan davlat unitar korxonalari va nodavlat tashkilotlarning tegishli litsenziyani olmasdan faoliyatini amalga oshirish huquqi 2021-yil 1-yanvardan bekor qilinsin.

9. Adliya vazirligi Axborot texnologiyalari va kommunikatsiyalarini rivojlantirish vazirligi bilan birgalikda 2021-yil 1-yanvarga qadar litsenziyalash, ruxsat berish va xabardor qilish tartib-taomillari bilan bog‘liq barcha jarayonlarni qamrab olgan, idoralararo elektron o‘zaro hamkorlik qilish imkoniyatiga ega hamda maxsus mobil ilovasi mavjud bo‘lgan “Litsenziya” axborot tizimi ishlab chiqilishi va ishga tushirilishini ta’minlasin.

Bunda, “Litsenziya” axborot tizimi quyidagi imkoniyatlarga ega bo‘lishi nazarda tutilsin:

a) litsenziyalash, ruxsat berish va xabardor qilish tartib-taomillaridan o‘tish borasida:

litsenziya va ruxsat etish xususiyatiga ega hujjatlarni olish yoki amal qilish muddatini uzaytirish uchun ariza va unga ilova qilinadigan hujjatlarni topshirish, QR-kod (matrik shtrixli kod) qo‘yilgan elektron litsenziya va ruxsat etish xususiyatiga ega hujjatlarni olish;

vakolatli organlar tomonidan arizalarni ko‘rib chiqish hamda litsenziya va ruxsat etish xususiyatiga ega hujjatlarni berish yoki berishni rad etish haqida qarorlar qabul qilish;

faoliyatni boshlaganlik yoki tugatganlik haqida vakolatli organni xabardor qilish uchun xabarnomalar yuborish va xabarnoma qabul qilinganligi to‘g‘risida tasdiqnomalar olish;

arizani ko‘rib chiqish uchun davlat boji, yig‘im va barcha turdagi to‘lovlarni Yagona billing tizimi orqali elektron to‘lash;

litsenziya va ruxsat etish xususiyatiga ega hujjatlarni qayta rasmiylashtirish, ularning amal qilishini to‘xtatib turish va bekor qilish haqidagi arizalarni qabul qilish va ko‘rib chiqish;

b) litsenziyalash, ruxsat berish va xabardor qilish tartib-taomillarini amalga oshirishda vakolatli organlarning o‘zaro hamkorligi borasida:

boshqa vakolatli organlardan qo‘shimcha hujjat va ma’lumotlarni olish hamda ular bilan kelishishni “bir darcha” tamoyili asosida tadbirkorlik subyektining ishtirokisiz mustaqil ravishda amalga oshirish;

berilgan litsenziya va ruxsat etish xususiyatiga ega hujjatlarning hamda xabarnoma yuborgan tadbirkorlik subyektlarining avtomatlashtirilgan reyestrlarini yuritish;

litsenziya va ruxsat etish xususiyatiga ega hujjatlarga hamda xabarnomalarga aloqador ma’lumotlarni tegishli idoralarning ma’lumotlar bazasi orqali avtomatik tarzda tekshirish;

v) litsenziya va ruxsat etish xususiyatiga ega hujjatlar hamda xabarnomalarga tegishli bo‘lgan talab va shartlarning bajarilishini monitoring qilish borasida:

litsenziya va ruxsat etish xususiyatiga ega hujjatlar hamda xabarnomalarga doir talab va shartlarga rioya etilishi ustidan vakolatli organlar tomonidan masofaviy nazoratni amalga oshirish;

davlat xizmati ko‘rsatilishining har bir bosqichida murojaatlarning ko‘rib chiqilishini kuzatib borish;

litsenziya va ruxsat etish xususiyatiga ega hujjatlar hamda xabarnomalar bilan bog‘liq harakatlar, shu jumladan bekor qilish va to‘xtatib turish bo‘yicha vakolatli organlar tomonidan sud va boshqa idoralarga murojaat qilish;

arizalarni ko‘rib chiqish, litsenziya yoki ruxsat etish xususiyatiga ega hujjatni berish yohud berishni rad etish, uning amal qilishini to‘xtatib turish haqidagi qarorlar ustidan jamoatchilik nazoratini joriy etish, shuningdek, tegishli faoliyat bilan litsenziyasiz yoki boshqa ruxsat etish xususiyatiga ega hujjatsiz yohud xabarnoma yubormasdan shug‘ullanish hamda belgilangan talab va shartlarni buzish holatlari haqida to‘g‘ridan-to‘g‘ri joylashish nuqtasini ko‘rsatgan holda ma’lumot berish;

vakolatli organlarning avtomatik shakllantiriladigan reytingini yuritish;

vakolatli organlar tomonidan berilgan litsenziya va ruxsat etish xususiyatiga ega hujjatlarning hamda xabardor qilish tartibida amalga oshiriladigan faoliyatlarning xususiyatidan kelib chiqib, jismoniy va yuridik shaxslarning faoliyati (harakati) davomida nazorat qilishning aniq mezonlarini belgilagan holda “xavfni tahlil etish” tizimini joriy qilish.

10. Shunday tartib o‘rnatilsinki, unga muvofiq 2021-yil 1-yanvardan boshlab:

Oldingi tahrirga qarang.

litsenziyalash, ruxsat berish va xabardor qilish tartib-taomillari bosqichma-bosqich to‘liq elektron shaklda “Litsenziya” axborot tizimi yoki Yagona interaktiv davlat xizmatlari portali orqali amalga oshiriladi, davlat siri va qonunchilikka muvofiq foydalanish cheklangan ma’lumotlarni o‘z ichiga olgan tartib-taomillar bundan mustasno;

(10-bandning ikkinchi xatboshisi O‘zbekiston Respublikasi Prezidentining 2025-yil 10-apreldagi PF-65-sonli Farmoni tahririda — Qonunchilik ma’lumotlari milliy bazasi, 11.04.2025-y., 06/25/65/0331-son)

litsenziya va ruxsat etish xususiyatiga ega hujjatlarni olish hamda vakolatli organni xabardor qilish haqidagi arizalar va ularga ilova qilingan hujjatlar elektron shaklda Yagona interaktiv davlat xizmatlari portalidan foydalangan holda Internet tarmog‘i orqali qabul qilinadi;

barcha turdagi litsenziya va ruxsat etish xususiyatiga ega hujjatlar hamda xabarnoma qabul qilinganligi va reyestrga kiritilganlik haqida xat ularning haqqoniyligini onlayn tekshirish imkonini beradigan QR-kod (matrik shtrixli kod) qo‘yilgan holda rasmiylashtiriladi va ularni maxsus blankalarda berish tartibi bekor qilinadi, bundan xalqaro shartnomalarga muvofiq maxsus qog‘oz blankalarida rasmiylashtirishni talab qiladigan hujjatlar mustasno;

boshqa vakolatli organlardan qo‘shimcha hujjatlarni olish yoki ular bilan kelishish asosiy vakolatli organ tomonidan tadbirkorlik subyektining ishtirokisiz “Litsenziya” axborot tizimi orqali mustaqil ravishda, shu jumladan javob berishni talab etmaydigan, to‘g‘ridan-to‘g‘ri ma’lumot olishga imkon beruvchi integratsiyalashgan platformaga ulanish orqali amalga oshiriladi. Belgilangan muddatlarda boshqa vakolatli organlar tomonidan javob berilmaganda qo‘shimcha hujjatlar olingan yoki ular bilan kelishilgan hisoblanadi, bunda mazkur vakolatli organlar vujudga kelishi mumkin bo‘lgan barcha oqibatlar uchun javobgar bo‘ladi;

tegishli faoliyat bilan litsenziyasiz yoki ruxsat etish xususiyatiga ega hujjatsiz yohud xabarnoma yubormasdan shug‘ullanish hamda belgilangan talab va shartlarni buzish holatlari bilan bog‘liq, shuningdek, vakolatli organlar tomonidan arizalarni ko‘rib chiqish, litsenziya yoki ruxsat etish xususiyatiga ega hujjatni berish yohud berishni rad etish hamda uning amal qilishini to‘xtatib turish bilan bog‘liq qonun buzilishlarini aniqlab, bu haqda vakolatli organlarga xabar bergan jismoniy shaxslar huquqbuzarlik o‘z tasdig‘ini topganda undirilgan jarimaning 10 foizi miqdoridagi pul mukofoti bilan rag‘batlantiriladi;

vakolatli organlar tashabbusi bilan litsenziya va ruxsat etish xususiyatiga ega hujjatlarni tugatish va bekor qilish faqat sud tartibida amalga oshiriladi, bundan litsenziatning litsenziya berganlik uchun davlat bojini to‘lamagan hollar mustasno;

litsenziya da’vogari ma’lum bir sohada litsenziyalanadigan faoliyatni amalga oshirish huquqini beruvchi litsenziyaga ega bo‘la turib, xuddi shu sohadagi alohida faoliyat turiga litsenziya berish to‘g‘risida ariza bilan murojaat qilsa, u tomonidan litsenziyalovchi organga faqatgina qo‘shimcha litsenziya talablari va shartlarini qanoatlantiradigan ma’lumotlar taqdim etiladi;

faoliyatni boshlaganlik haqida vakolatli organni xabardor qilishda bazaviy hisoblash miqdorining 50 foizigacha yig‘im undiriladi, bundan qurilish-montaj ishlarini va alkogol mahsulotlari bilan chakana savdo qilishni boshlaganlik haqidagi xabarnomalar mustasno.

11. “Litsenziya” axborot tizimi Davlat xizmatlari agentligi, BMTning Taraqqiyot dasturi va Yevropa Ittifoqining “O‘zbekistonning qishloq hududlarida davlat xizmatlari taqdim etishni takomillashtirish va mahalliy boshqaruv darajasini oshirish” qo‘shma loyihasi grant mablag‘larini jalb qilgan holda ochiq tender asosida ishlab chiqilishi ma’lumot uchun qabul qilinsin.

“Litsenziya” axborot tizimi ishlab chiqilishi munosabati bilan davlat idoralari va tashkilotlari tomonidan litsenziyalash, ruxsat berish va xabardor qilish tartib-taomillarini hamda ularning talab va shartlari nazoratini amalga oshirish borasidagi barcha elektron dasturlar ishlab chiqilishi to‘xtatilsin, bunda ushbu dasturlarni ishlab chiqish Adliya vazirligi hamda Axborot texnologiyalari va kommunikatsiyalarini rivojlantirish vazirligining ijobiy xulosasiga muvofiq davom ettirilishi mumkin.

Ishlab chiqilishi to‘xtatiladigan dasturlar uchun mo‘ljallangan mablag‘lar “Litsenziya” axborot tizimining ishlashi uchun zarur bo‘lgan idoraviy infratuzilma va elektron bazalarni yaratishga yo‘naltirilsin.

Oldingi tahrirga qarang.

12. Adliya vazirligi “Litsenziya” axborot tizimini yuritish bo‘yicha vakolatli organ etib belgilansin hamda unga litsenziyalash, ruxsat etish xususiyatiga ega hujjatlarni berish va xabardor qilish tartib-taomillarining davlat organlari va boshqa tashkilotlar tomonidan rioya etilishi ustidan monitoringni amalga oshirish vakolati berilsin.

(12-band O‘zbekiston Respublikasi Prezidentining 2022-yil 17-martdagi PF-89-son Farmoni tahririda — Qonunchilik ma’lumotlari milliy bazasi, 18.03.2022-y., 06/22/89/0227-son)

Oldingi tahrirga qarang.

13. “Litsenziya” axborot tizimini takomillashtirish hamda uning davlat organlarining idoraviy axborot tizimlari va ma’lumotlar bazalari bilan integratsiyalashuvini tashkil etish bo‘yicha ishlar Adliya vazirligining Davlat xizmatlarini rivojlantirish jamg‘armasi mablag‘lari va qonunchilikda taqiqlanmagan boshqa manbalar hisobidan amalga oshirilsin.

(13-bandning birinchi xatboshisi O‘zbekiston Respublikasi Prezidentining 2022-yil 17-martdagi PF-89-son Farmoni tahririda — Qonunchilik ma’lumotlari milliy bazasi, 18.03.2022-y., 06/22/89/0227-son)

Oldingi tahrirga qarang.

Litsenziya” axborot tizimi operatori etib Adliya vazirligi belgilansin.

(13-bandning ikkinchi xatboshisi O‘zbekiston Respublikasi Prezidentining 2022-yil 22-avgustdagi PF-194-sonli Farmoni tahririda — Qonunchilik ma’lumotlari milliy bazasi, 23.08.2022-y., 06/22/194/0766-son)

Oldingi tahrirga qarang.

Adliya vazirligi “Litsenziya” axborot tizimi to‘liq ishga tushirilganidan so‘ng olti oy muddatda uni o‘rnatilgan tartibda Axborot texnologiyalari va kommunikatsiyalarini rivojlantirish vazirligi tasarrufiga beg‘araz ravishda o‘tkazib bersin.

(13-bandining uchinchi xatboshisiO‘zbekiston Respublikasi Prezidentining 2021-yil 30-apreldagi PF-6218-sonli Farmoni tahririda — Qonunchilik ma’lumotlari milliy bazasi, 30.04.2021-y., 06/21/6218/0398-son)

14. Belgilab qo‘yilsinki:

har bir litsenziyalash, ruxsat berish hamda xabardor qilish tartib-taomili uning amal qilishi natijasida erishilgan maqsadlarni, ijtimoiy-iqtisodiy, innovatsion va texnologik rivojlanishning joriy holatini, shuningdek, tadbirkorlik subyektlarining xarajatlarini baholagan holda kamida har besh yilda qayta ko‘rib chiqiladi;

normativ-huquqiy hujjat loyihasida yangi turdagi litsenziyalanadigan faoliyat yo‘nalishi yoki ruxsat etish xususiyatiga ega hujjatni yoxud faoliyatni boshlashning xabardor qilish tartibini joriy etish nazarda tutilayotganda ushbu tartib-taomilning tartibga solish ta’sirini baholash majburiy hisoblanadi;

Oldingi tahrirga qarang.

yangi turdagi litsenziyalar, ruxsat etish xususiyatiga ega hujjatlar va faoliyatni boshlashning xabardor qilish tartibini joriy etishni hamda ularni tartibga solish shakllarini o‘zgartirishni nazarda tutuvchi normativ-huquqiy hujjat loyihasi Iqtisodiy taraqqiyot va kambag‘allikni qisqartirish vazirligi hamda Raqobatni rivojlantirish va iste’molchilar huquqlarini himoya qilish qo‘mitasining ijobiy xulosalari mavjud bo‘lgandagina, shuningdek, Tadbirkorlik subyektlarining huquqlari va qonuniy manfaatlarini himoya qilish bo‘yicha vakil va Savdo-sanoat palatasi bilan kelishilgan holda Adliya vazirligiga kiritiladi.

(14-bandning to‘rtinchi xatboshisi O‘zbekiston Respublikasi Prezidentining 2023-yil 6-iyuldagi PF-108-sonli Farmoni tahririda — Qonunchilik ma’lumotlari milliy bazasi, 07.07.2023-y., 06/23/108/0460-son)

15. Adliya vazirligi, Iqtisodiy taraqqiyot va kambag‘allikni qisqartirish vazirligi, Davlat soliq qo‘mitasi, Savdo-sanoat palatasi tadbirkorlik subyektlarini jalb qilgan holda litsenziyalash va ruxsat berish tartib-taomillarini kompleks va tizimli isloh qilishning ikkinchi bosqichini amalga oshirish uchun:

a) uch oy muddatda “Faoliyatning ayrim turlarini litsenziyalash to‘g‘risida”gi va “Tadbirkorlik faoliyati sohasidagi ruxsat berish tartib-taomillari to‘g‘risida”gi qonunlarni birlashtirish yo‘li bilan quyidagilarni nazarda tutuvchi yaxlit qonun loyihasini Vazirlar Mahkamasiga kiritsin:

litsenziyalash, ruxsat berish va xabardor etish tartib-taomillaridan o‘tishning yagona va shaffof tartibini o‘rnatish;

litsenziya va ruxsat etish xususiyatiga ega hujjatlarni rasmiylashtiradigan, kelishadigan hamda xabarnomalarni qabul qiladigan vakolatli organ va tashkilotlarning vakolatlarini belgilash;

litsenziyalash va ruxsat berish tartib-taomillaridan o‘tish jarayonida vakolatli organ va tashkilotlar bilan o‘zaro munosabatda bo‘ladigan jismoniy va yuridik shaxslarning huquq va manfaatlari himoyasining yagona tizimini joriy qilish;

litsenziyalanadigan faoliyat turlari, tadbirkorlik faoliyati sohasidagi ruxsat etish xususiyatiga ega hujjatlar, shuningdek, vakolatli organni xabardor qilish tartibida amalga oshiriladigan faoliyat va harakatlar ro‘yxatini tasdiqlash;

litsenziya shartnomasini rasmiylashtirish amaliyotidan voz kechgan holda, litsenziya talab va shartlarini qonun hujjatlarida belgilash;

yuridik shaxslarning filial va vakolatxonalari tomonidan litsenziyalanadigan, ruxsatnoma olish yoki xabardor qilish talab etiladigan faoliyat turlarini amalga oshirish tartibini aniqlashtirish;

litsenziyani chaqirib olish tartibini va ushbu tartibga asosan chaqirib olinishi mumkin bo‘lgan faoliyat turlarini aniq belgilash;

“xavfni tahlil etish” tizimini joriy qilish orqali litsenziya va ruxsat berishga doir talab va shartlarga rioya qilish ahvolini nazorat qilish;

b) 2021-yil 1-fevralga qadar Tadbirkorlik subyektlarining huquqlari va qonuniy manfaatlarini himoya qilish bo‘yicha vakil, Monopoliyaga qarshi kurashish qo‘mitasi va vakolatli organlar bilan birgalikda litsenziyalash va ruxsat berish tartib-taomillari sohasidagi qonun hujjatlarini tizimlashtirish maqsadida ularning pasportlarini ishlab chiqish va kodifikatsiyalash bo‘yicha normativ-huquqiy hujjat loyihasini Vazirlar Mahkamasiga kiritsin.

16. Adliya vazirligi quyidagilarni Vazirlar Mahkamasiga kiritsin:

Bosh prokuratura bilan birgalikda uch oy muddatda yuridik va jismoniy shaxslarning litsenziya yoki ruxsat etish xususiyatiga ega hujjatlar olinishi hamda xabardor qilinishi shart bo‘lgan faoliyat bilan litsenziyasiz yoki ruxsatnomasiz yoxud xabarnoma yubormasdan shug‘ullanganligi, shuningdek, xabardor qilish tartibida faoliyat yuritish uchun belgilangan talab va shartlarning bajarilganligi yuzasidan vakolatli organga yolg‘on yoki noto‘g‘ri ma’lumotlar berganligi uchun javobgarlikni belgilovchi qonun loyihasini;

2020-yil 1-dekabrga qadar tegishli huquqbuzarlik holatlarini aniqlab, tegishli vakolatli organlarga xabar yuborgan jismoniy shaxslarni rag‘batlantirish tartibini;

manfaatdor vazirlik va idoralar bilan birgalikda uch oy muddatda qonun hujjatlariga mazkur Farmondan kelib chiqadigan o‘zgartirish va qo‘shimchalar to‘g‘risida takliflarni.

17. Ushbu Farmonda belgilangan chora-tadbirlarning samarali va o‘z vaqtida amalga oshirilishini ta’minlash maqsadida:

a) Bosh vazir o‘rinbosari J. Qo‘chqorov ayrim turdagi litsenziyalash va ruxsat berish tartib-taomillari o‘rniga xabardor qilish tartibi joriy etilishi munosabati bilan tegishli qonun qabul qilinganidan so‘ng xabardor qilish tartibi bo‘yicha nizomlar qisqa muddatlarda tasdiqlanishini ta’minlasin;

b) Adliya vazirligi (Davletov):

vakolatli organlar bilan bevosita va onlayn videoaloqa tizimi orqali uchrashuvlar tashkil etish grafigini tasdiqlasin;

tasdiqlangan grafikka asosan vakolatli organlarga mazkur Farmonda nazarda tutilgan tartiblarni va “Litsenziya” axborot tizimining ishlash tamoyillarini tushuntirib borsin;

vakolatli organlarga tegishli loyihalarni tayyorlashda amaliy yordam ko‘rsatsin;

v) Axborot texnologiyalari va kommunikatsiyalarini rivojlantirish vazirligi (Sadikov):

Adliya vazirligi bilan birgalikda litsenziya va ruxsat etish xususiyatiga ega hujjatlarni taqdim etadigan va kelishish jarayonlarida ishtirok etadigan barcha davlat organlari idoraviy axborot tizimlarining “Litsenziya” axborot tizimi bilan integratsiyalashuvini ta’minlash choralarini ko‘rsin;

Oldingi tahrirga qarang.

“Litsenziya” axborot tizimining uzluksiz ishlashini ta’minlasin hamda Adliya vazirligi tomonidan “Litsenziya” axborot tizimi faoliyatida nuqson va nosozliklar aniqlanganida, Vazirlik talabnomasiga asosan ularning uch kun ichida bartaraf etib borilishini ta’minlasin;

(17-bandning “v” kichik bandi uchinchi xatboshisi O‘zbekiston Respublikasi Prezidentining 2022-yil 17-martdagi PF-89-son Farmoni tahririda — Qonunchilik ma’lumotlari milliy bazasi, 18.03.2022-y., 06/22/89/0227-son)

g) vakolatli organlar:

ikki oy muddatda “Litsenziya” axborot tizimiga ulanish va o‘zlarining elektron tizimlarini integratsiya qilish, tegishli infratuzilmani yaratish hamda o‘z elektron bazalarini shakllantirish choralarini ko‘rsin;

amaldagi faoliyatning ayrim turlarini litsenziyalash va ruxsat berish tartib-taomillaridan o‘tish tartibi hamda xabardor etish tartibi to‘g‘risidagi nizomlarni o‘z vaqtida va sifatli ishlab chiqsin;

mazkur Farmon qabul qilinguniga qadar O‘zbekiston Respublikasi Prezidenti va Hukumati qarorlari bilan tashkil etilgan va litsenziyalanadigan faoliyat bilan shug‘ullanadigan tashkilotlarga ularning murojaatlariga asosan belgilangan tartibda litsenziyalar berilishini ta’minlasin;

d) Bosh prokuratura (Yo‘ldoshev):

Korrupsiyaga qarshi kurashish agentligi, Tadbirkorlik subyektlarining huquqlari va qonuniy manfaatlarini himoya qilish bo‘yicha vakil bilan birgalikda litsenziyalash, ruxsat etish xususiyatiga ega hujjatlarni berish va xabardor qilish tartib-taomillari sohasidagi qonunchilik ijrosi ustidan tizimli nazoratni o‘rnatsin;

belgilangan muddatlarga rioya qilmaslik oqibatida avtomatik tarzda litsenziya va ruxsat etish xususiyatiga ega hujjatlar, shu jumladan ularni idoralararo kelishuvda ijobiy xulosalar berilishiga olib kelgan sabab va shart-sharoitlarni tahlil qilsin, korrupsiyaviy holatlar yuzaga kelishining oldini olish choralarini ko‘rsin;

Oldingi tahrirga qarang.

e) Raqobatni rivojlantirish va iste’molchilar huquqlarini himoya qilish qo‘mitasi (Sharaxmetov) litsenziya, ruxsat etish xususiyatiga ega hujjat berish va xabardor qilish jarayonida asossiz rad etish yoki harakatsizlik orqali bozorlarga yangi xo‘jalik yurituvchi subyektlarning kirishiga (faoliyat yuritishiga) to‘siq qo‘yish yo‘li bilan raqobat cheklanishining oldini olsin, ruxsat etish tartib-taomillari uchun davlat boji va yig‘imlar miqdori shakllantirilishining asosliligini nazorat qilsin;

(17-bandning “e” kichik bandi O‘zbekiston Respublikasi Prezidentining 2023-yil 6-iyuldagi PF-108-sonli Farmoni tahririda — Qonunchilik ma’lumotlari milliy bazasi, 07.07.2023-y., 06/23/108/0460-son)

j) Tadbirkorlik subyektlarining huquqlari va qonuniy manfaatlarini himoya qilish bo‘yicha vakil (Kasimov) vakolatli organlar tomonidan litsenziya va ruxsat etish xususiyatiga ega hujjati mavjud subyektlar faoliyatida o‘tkaziladigan tekshiruvlar litsenziya va ruxsat etish xususiyatiga ega hujjat talablari doirasida amalga oshirilishi ustidan nazoratni olib borsin;

z) Axborot va ommaviy kommunikatsiyalar agentligi (Xodjayev) O‘zbekiston Milliy axborot agentligi va O‘zbekiston Milliy teleradiokompaniyasi bilan birgalikda ommaviy axborot vositalari, mahalliy va xorijiy ekspertlar hamda fuqarolik jamiyati institutlarini jalb qilgan holda mazkur Farmonda belgilangan chora-tadbirlarni aholi orasida keng yoritish choralarini ko‘rsin.

18. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.

O‘zbekiston Respublikasi Prezidenti Sh. MIRZIYOYEV

Toshkent sh.,

2020-yil 24-avgust,

PF-6044-son

O‘zbekiston Respublikasi Prezidentining 2020-yil 24-avgustdagi PF-6044-son Farmoniga
1-ILOVA

2021-yil 1-yanvardan boshlab litsenziyalanadigan faoliyat va ruxsat etish xususiyatiga ega hujjatlarning bekor qilinadigan ayrim turlari

RO‘YXATI

T/r	Litsenziyalanadigan faoliyat va ruxsat etish xususiyatiga ega hujjat nomi	Vakolatli organ nomi	Litsenziya va ruxsat etish xususiyatiga ega hujjat o‘rniga taklif etilayotgan tartibga solishning muqobil mexanizmi
I. Litsenziyalanadigan faoliyat turlari
1.	Auditorlik faoliyati	Moliya vazirligi	Auditorlarni majburiy sertifikatlash; O‘zini-o‘zi boshqarish mexanizmini rivojlantirish.
2.	Audiovizual asarlarni, fonogrammalarni va EHM uchun yaratilgan dasturlarni takrorlash faoliyati	Intellektual mulk agentligi	Mualliflik huquqi va turdosh huquqlarni himoya qilishda jamoatchilik nazoratini rivojlantirish. Mualliflik huquqi va turdosh huquqlarni buzganlik uchun javobgarlikka tortish.
3.	Fonogrammalarni tayyorlash faoliyati	Intellektual mulk agentligi	Mualliflik va turdosh huquqlarni himoya qilishda jamoatchilik nazoratini rivojlantirish. Mualliflik va turdosh huquqlarni buzganlik uchun javobgarlikka tortish mexanizmlaridan keng foydalanish.
4.	Qimmatli qog‘ozlar blankalarini ishlab chiqarish faoliyati	Markaziy bank	Qimmatli qog‘ozlar blankalarini ishlab chiqish faoliyati bilan faqat “Davlat belgisi” davlat unitar korxonasi tomonidan amalga oshirilishini belgilash.
5.	Telekommunikatsiyalar tarmoqlarini loyihalashtirish, qurish, ulardan foydalanish va ularga xizmat ko‘rsatish faoliyatini litsenziyalashda: umumiy foydalanish punktlari, shu jumladan qishloq joylardagi kichik tadbirkorlik subyektlarining umumiy foydalanish punktlari tomonidan ma’lumotlarni uzatish tarmoqlari xizmatlarini ko‘rsatish; qishloq joylardagi kichik tadbirkorlik subyektlari tomonidan mahalliy telekommunikatsiya tarmoqlari orqali xizmat ko‘rsatish; qishloq joylardagi kichik tadbirkorlik subyektlari tomonidan shaharlararo telekommunikatsiyalar tarmoqlari orqali xizmat ko‘rsatish; qishloq joylardagi kichik tadbirkorlik subyektlari tomonidan xalqaro telekommunikatsiyalar tarmoqlari orqali xizmat ko‘rsatish.	Axborot texnologiyalari va kommunikatsiyalarini rivojlantirish vazirligi	Telekommunikatsiyalar tarmoqlarini loyihalashtirish, qurish, ulardan foydalanish va ularga xizmat ko‘rsatish faoliyatini litsenziyalashning boshqa yo‘nalishlari va boshqa normativ-huquqiy hujjatlar orqali tartibga solish.
6.	Qimmatli qog‘ozlar bozoridagi professional faoliyatni litsenziyalashda investitsiya fondi faoliyati	Kapital bozorini rivojlantirish agentligi	Investitsiya fondini aksiyadorlik jamiyati shaklida tashkil etish. “Investitsiya va pay fondlari to‘g‘risida”gi, “Aksiyadorlik jamiyatlari va aksiyadorlar huquqlarini himoya qilish to‘g‘risida”gi va “Qimmatli qog‘ozlar bozori to‘g‘risida”gi qonunlar talablariga rioya etish.
7.	Ko‘priklar va tonnellarni loyihalashtirish, qurish, ulardan foydalanish va ularni ta’mirlash faoliyatini litsenziyalashda ko‘priklar va tonnellardan foydalanish faoliyati	Qurilish vazirligi	Texnik jihatdan tartibga solish. Ekspluatatsiya nazorati tadbirlari.
8.	Mudofaa obyektlarini loyihalashtirish, qurish, ulardan foydalanish va ularni ta’mirlash faoliyati	Qurilish vazirligi	Mudofaa organlarining qurilish tashkilotiga rejim obyektlarida faoliyatni amalga oshirishiga ruxsat berish. Ekspluatatsiya nazorati tadbirlari. Obyekt rejimida belgilangan qoidalarga rioya etish.
9.	Axborotning kriptografik himoya vositalarini loyihalashtirish, tayyorlash, ishlab chiqarish, realizatsiya qilish, ta’mirlash va ulardan foydalanish faoliyatini litsenziyalashda: axborotning kriptografik himoya vositalarini loyihalashtirish; axborotning kriptografik himoya vositalarini ta’mirlash; axborotning kriptografik himoya vositalaridan foydalanish	Davlat xavfsizlik xizmati	Axborotning kriptografik himoya vositalarini tayyorlash, ishlab chiqarish va realizatsiya qilish faoliyatini litsenziyalashning boshqa yo‘nalishlari va boshqa normativ-huquqiy hujjatlar orqali tartibga solish.
10.	Baholash faoliyati	Davlat aktivlarini boshqarish agentligi	Tadbirkorlik subyekti sifatida ro‘yxatga olish. Baholovchilarga malaka sertifikatini berish. O‘zini-o‘zi boshqarish tashkilotlariga majburiy a’zolikni belgilagan holda o‘zini-o‘zi boshqarish mexanizmini rivojlantirish.
11.	Rieltorlik faoliyati	Davlat aktivlarini boshqarish agentligi	Tadbirkorlik subyekti sifatida ro‘yxatga olish. Rieltorlarga malaka sertifikati berish. O‘zini-o‘zi boshqarish tashkilotlariga majburiy a’zolikni belgilagan holda o‘zini-o‘zi boshqarish mexanizmini rivojlantirish. Yagona multilisting tizimini (ko‘chmas mulk bozorining elektron platformasini) joriy qilish.
12.	Vazirliklar, idoralar va tashkilotlar harbiy xizmatchilari hamda xodimlarining tasdiqlangan namunadagi formali kiyim-boshi savdosi bo‘yicha faoliyat	Tuman (shahar) hokimliklari	Tadbirkorlik subyekti sifatida ro‘yxatga olish. Savdo obyektida yong‘in xavfsizligini ta’minlash va qo‘riqlash-signalizatsiya xizmatiga ulanish. Harbiy kiyim-boshni faqat harbiy xizmatchilarga realizatsiya qilish.
13.	Qimmatbaho va nodir metallarni, qimmatbaho toshlarni qazib olish faoliyati	Sanoat xavfsizligi davlat qo‘mitasi	Geologiya qidiruv ishlarini amalga oshirish uchun litsenziya. Geologiya qidiruv ishlari yakunlarini hisobga olish. Foydali qazilma koni joylashgan yer uchastkasiga litsenziya. Kon ajratish dalolatnomasi.
14.	Farmatsevtika faoliyati (dori vositalari va tibbiy buyumlarni chakana realizatsiya qilish bundan mustasno): tibbiyot buyumlari ishlab chiqarish; tibbiy buyumlari tayyorlash; tibbiy buyumlarini ulgurji realizatsiya qilish; dorivor o‘simlik xomashyosini qadoqlash va ulgurji sotish	Farmatsevtika tarmog‘ini rivojlantirish agentligi	Tibbiy buyumlarni ishlab chiqarish va tayyorlash faoliyatini texnik tartibga solish. Dorivor o‘simliklarni ro‘yxatga olish. Mahsulotlarni sertifikatlash.
15.	Yong‘inga qarshi avtomatika vositalarini, qo‘riqlash, yong‘indan darak beruvchi va yong‘indan saqlash signalizatsiyalarini loyihalashtirish faoliyati	Favqulodda vaziyatlar vazirligi	Arxitektura-shaharsozlik hujjatlarini ishlab chiqish bo‘yicha faoliyatni boshlaganlik yoki tugatganlik haqida xabarnoma. Loyiha-smeta hujjatlari arxitektura-shaharsozlik kengashlari va Qurilish vazirligining hududiy bosh boshqarmalari tomonidan ko‘rib chiqish va kelishish. Obyektlarning zilzilaga bardoshliligi va yong‘in xavfsizligi bo‘yicha loyihaviy yechimlarini ekspertiza tashkilotlari tomonidan ekspertizadan o‘tkazish.
16.	Avtomobil transportida yo‘lovchilarni va yuklarni shaharda, shahar atrofida, shaharlararo va xalqaro yo‘nalishlar bo‘yicha tashish faoliyatini litsenziyalashda: yuklarni avtomobil transportida shaharda va shahar atrofida tashish faoliyati; yuklarni avtomobil transportida shaharlararo tashish faoliyati	Transport vazirligi	Transport vositalarini har yili majburiy texnik ko‘rikdan o‘tkazish. Avtotransport vositalarini yo‘lga chiqishdan oldin texnik ko‘rikdan o‘tkazish. IIV Yo‘l harakati xavfsizligi xodimlari tomonidan yo‘llarda nazoratning amalga oshirish.
II. Ruxsat berish xususiyatiga ega hujjatlar
17.	Xorijiy ishchi kuchlarini jalb qilishga ruxsatnoma	Tashqi mehnat migratsiyasi agentligi	Chet el fuqarosiga O‘zbekistonda ishlash huquqini beruvchi tasdiqnoma.
18.	Sug‘urtalovchining moliyaviy ahvolini sog‘lomlashtirish chora-tadbirlari kompleksini kelishish	Sug‘urta bozorini rivojlantirish agentligi	Sug‘urtalovchining moliyaviy ahvolini sog‘lomlashtirish chora-tadbirlariga qo‘yilgan asosiy talablarni belgilash. Sug‘urtalovchining moliyaviy ahvolini nazorat qilish.
19.	Banklarda auditorlik tekshirishlarini o‘tkazish huquqiga sertifikat	Markaziy bank	Banklarda auditorlik tekshirishlarni o‘tkazmoqchi bo‘lgan auditorlik tashkiloti shtatida Markaziy bankning sertifikatiga ega kamida ikkita auditorning mavjud bo‘lishi.
20.	Obyektlar, mahsulotlar va texnologiyalarning loyihalarini hamda ularni foydalanishga qabul qilib olish ishlarini ularning temir yo‘l transporti sohasida belgilangan talablarga muvofiqligi yuzasidan ekspertiza xulosasi	Transport vazirligi	Temir yo‘l obyektlari, mahsulotlari va texnologiyalarning xalqaro sifat standartlari va temir yo‘lda tashishlar xavfsizligiga muvofiqligini ta’minlash choralari. Temir yo‘l harakat tarkiblari hamda yo‘llarini ta’mirlash turlari bo‘yicha amalda bir qator normativ hujjatlar (davlat hamda tashkilot standartlari, texnik shartlar, qo‘llanmalar, qoida va yo‘riqnomalar) mavjud.
21.	Lokomotivlar, yuk va izotermik vagonlarning xizmat qilish muddatlarini uzaytirishga texnik yechimlardan ishlab chiqarishda foydalanishni kelishish	Transport vazirligi	Akkreditatsiyadan o‘tgan ixtisoslashtirilgan ekspert tashkilot tomonidan rasmiylashtiriladigan harakatlanadigan temir yo‘l tarkibining xizmat qilish muddatini uzaytirish to‘g‘risidagi texnik yechimni olish va unga rioya qilish.
22.	Suv resurslaridan foydalanish va drenaj-oqova suvlarni tashlash bilan bog‘liq yangi korxonalarni qurish va ishlab turganlarini rekonstruksiya qilish loyihasini kelishish	Suv xo‘jaligi vazirligi	Loyiha-smeta hujjatlari arxitektura-shaharsozlik kengashlari va Qurilish vazirligining hududiy bosh boshqarmalari tomonidan ko‘rib chiqish va kelishish. Obyektlarning zilzilaga bardoshliligi va yong‘in xavfsizligi bo‘yicha loyihaviy yechimlarini ekspertizadan o‘tkazish. Qurilishi (rekonstruksiyasi) tugallangan Suv resurslaridan foydalanish va drenaj-oqova suvlarni tashlash bilan bog‘liq yangi korxonalarni foydalanishga qabul qilish.
23.	Bino va inshootlarni, suv ta’minoti, kanalizatsiya va oqova suvlarni tozalash tizimlarini, gidrotexnika inshootlarini, boshqa obyektlarni sanitariya normalari, qoidalari va gigiyena me’yorlariga rioya etgan holda loyihalash, qurish, rekonstruksiya qilishni kelishish	Sog‘liqni saqlash vazirligi	Loyiha-smeta hujjatlari arxitektura-shaharsozlik kengashlari va Qurilish vazirligining hududiy bosh boshqarmalari tomonidan ko‘rib chiqish va kelishish. Obyektlarning zilzilaga bardoshliligi va yong‘in xavfsizligi bo‘yicha loyihaviy yechimlarini ekspertizadan o‘tkazish.
24.	Kabel televideniyesi tarmoqlarini loyihalashtirish qurish yoki sotib olish, o‘rnatish, olib kirish va foydalanish turidagi ruxsatnoma	Axborot texnologiyalari va kommunikatsiyalarini rivojlantirish vazirligi	Telekommunikatsiyalar to‘g‘risidagi qonun hujjatlarida belgilangan talablarga rioya qilish.
25.	Trenerlik faoliyati bilan shug‘ullanishga ruxsatnoma	Jismoniy tarbiya va sport vazirligi	Tadbirkorlik subyekti sifatida ro‘yxatga olish. Trenerlar malakasini oshirish natijalari yuzasidan tegishli malaka sertifikatini olish.
26.	Jismoniy tarbiya-sog‘lomlashtirish yoki sport inshooti pasporti	Jismoniy tarbiya va sport vazirligi	Qurilishi (rekonstruksiyasi) tugallangan jismoniy tarbiya-sog‘lomlashtirish yoki sport inshootini foydalanishga qabul qilish. Musobaqalar o‘tkazilishidan oldin sport inshootining belgilangan standartlarga mos kelishini tekshirish.

O‘zbekiston Respublikasi Prezidentining 2020-yil 24-avgustdagi PF-6044-son Farmoniga
2-ILOVA

2021-yil 1-yanvardan boshlab litsenziyalanadigan faoliyat va ruxsat etish xususiyatiga ega hujjatlarning birlashtirish yo‘li bilan bekor qilinadigan ayrim turlari

RO‘YXATI

T/r	Birlashtirish yo‘li bilan bekor qilinadigan litsenziyalanadigan faoliyat va ruxsat etish xususiyatiga ega hujjatlar nomi	T/r	Birlashtirilgan litsenziyalanadigan faoliyat va ruxsat etish xususiyatiga ega hujjatlarning nomi	Vakolatli organ
I. Litsenziyalanadigan faoliyat turlari
Giyohvandlik vositalari, psixotrop moddalar va prekursorlar bilan muomalada bo‘lish faoliyatini litsenziyalash
1.	Giyohvandlik vositalari, psixotrop moddalar va prekursorlarni saqlash	1.	Giyohvandlik vositalari, psixotrop moddalar va prekursorlar bilan muomala qilishning boshqa yo‘nalishlari (tashish faoliyatidan tashqari) bilan	Sog‘liqni saqlash vazirligi
Veterinariya faoliyatini litsenziyalash
2.	Veterinariya preparatlari, shu jumladan veterinariya maqsadlari uchun biologik preparatlarni sotish	2.	Veterinariya preparatlari, shu jumladan veterinariya maqsadlari uchun dorivor vositalar, ozuqa qo‘shimchalari, biologik preparatlar va zoogigiyena vositalarini sotish	Veterinariya va chorvachilikni rivojlantirish davlat qo‘mitasi
3.	Veterinariya preparatlari, shu jumladan veterinariya maqsadlari uchun dorivor vositalar, ozuqa qo‘shimchalari va zoogigiyena vositalarini sotish
Avtomobil transportida yo‘lovchilarni va yuklarni shaharda, shahar atrofida, shaharlararo va xalqaro yo‘nalishlar bo‘yicha tashish faoliyatini litsenziyalash
4.	Yo‘lovchilarni shaharda avtobuslarda tashish	3.	Yo‘lovchilarni shahar, shahar atrofida va shaharlararo mikroavtobus hamda avtobuslarda tashish	Transport vazirligi
5.	Yo‘lovchilarni shahar atrofida avtobuslarda tashish
6.	Yo‘lovchilarni shaharlararo avtobuslarda tashish
7.	Yo‘lovchilarni shaharda mikroavtobuslarda tashish
8.	Yo‘lovchilarni shahar atrofida mikroavtobuslarda tashish
9.	Yo‘lovchilarni shaharlararo mikroavtobuslarda tashish
10.	Yo‘lovchilarni shaharda yengil avtomobillarda tashish	4.	Yo‘lovchilarni shahar, shahar atrofida va shaharlararo yengil avtomobillarda tashish
11.	Yo‘lovchilarni shahar atrofida yengil avtomobillarda tashish
12.	Yo‘lovchilarni shaharlararo yengil avtomobillarda tashish
Telekommunikatsiyalar tarmoqlarini loyihalash, qurish, ulardan foydalanish va ularga xizmat ko‘rsatish faoliyatini litsenziyalash
13.	Mahalliy telekommunikatsiyalar tarmoqlarini loyihalash	5.	Mahalliy, shaharlararo, xalqaro telekommunikatsiyalar tarmoqlarini loyihalash	Axborot texnologiyalari va kommunikatsiyalarini rivojlantirish vazirligi
14.	Shaharlararo telekommunikatsiyalar tarmoqlarini loyihalash
15.	Xalqaro telekommunikatsiyalar tarmoqlarini loyihalash
16.	Mahalliy telekommunikatsiyalar tarmoqlarini qurish	6.	Mahalliy, shaharlararo, xalqaro telekommunikatsiyalar tarmoqlarini qurish
17.	Shaharlararo telekommunikatsiyalar tarmoqlarini qurish
18.	Xalqaro telekommunikatsiyalar tarmoqlarini qurish
19.	Mahalliy telekommunikatsiyalar tarmoqlaridan foydalanish	7.	Mahalliy va shaharlararo telekommunikatsiyalar tarmoqlaridan foydalanish
20.	Shaharlararo telekommunikatsiyalar tarmoqlaridan foydalanish
21.	Mahalliy telekommunikatsiyalar tarmoqlari xizmatlarini ko‘rsatish	8.	Mahalliy va shaharlararo telekommunikatsiyalar tarmoqlari xizmatlarini ko‘rsatish
22.	Shaharlararo telekommunikatsiyalar tarmoqlari xizmatlarini ko‘rsatish
Qimmatli qog‘ozlar bozoridagi professional faoliyatni litsenziyalash
23.	Qimmatli qog‘ozlar bilan birjadan tashqari savdolar tashkilotchisi faoliyati	9.	Fond birjalari faoliyati	Kapita? boz?rini rivojlantirish agentligi
24.	Fond birjalari faoliyati
II. Ruxsat berish xususiyatiga ega hujjatlar
25.	Rezident banklar aksiyalarini sotib olishga dastlabki ruxsatnoma	10.	Rezident banklar aksiyalarini sotib olishga dastlabki ruxsatnoma	Markaziy bank
26.	Jismoniy va yuridik shaxslar yoki bir-biri bilan kelishuv yoxud mol-mulkini nazorat qilish orqali bog‘liq bo‘lgan jismoniy va yuridik shaxslar tomonidan bir yoki bir necha bitimlar natijasida bank aksiyalarining 20 foizidan ortig‘ini sotib olishni oldindan kelishish
27.	Past va o‘rta faollikdagi radioaktiv chiqindilardan, xavfli yuklardan tashqari og‘ir vaznli, yirik gabaritli avtomobil transportida tashish yo‘nalishi sxemalarini kelishish	11.	Katta hajmli va og‘ir vaznli yuklarni avtomobil transportida tashishga ruxsatnoma, bundan past va o‘rta faollikdagi radioaktiv chiqindilarni tashish mustasno	Transport vazirligi
28.	Katta hajmli va og‘ir vaznli yuklarni avtomobil transportida tashishga ruxsatnoma, bundan past va o‘rta faollikdagi radioaktiv chiqindilarni tashish mustasno
29.	Hayvonotga mansub mahsulot va xomashyolarni ishlab chiqarish, saqlash va sotish bilan shug‘ullanuvchi subyektlar faoliyatining veterinariya, veterinariya-sanitariya qoidalari va me’yorlariga muvofiqligi haqida veterinariya-sanitariya xulosasi	12.	Ixtisoslashgan so‘yish korxonalari hamda hayvonotga mansub mahsulot va xomashyolarni ishlab chiqarish, saqlash va sotish bilan shug‘ullanuvchi subyektlar faoliyatining veterinariya, veterinariya-sanitariya qoidalari va me’yorlariga muvofiqligi haqida veterinariya-sanitariya xulosasi	Qoraqalpog‘iston Respublikasi veterinariya va chorvachilikni rivojlantirish qo‘mitasi, Toshkent shahar va viloyatlar veterinariya va chorvachilikni rivojlantirish boshqarmalari
30.	Ixtisoslashgan so‘yish korxonalarining veterinariya, veterinariya-sanitariya qoidalari va me’yorlariga muvofiqligi haqida veterinariya-sanitariya xulosasi
31.	Ommaviy tadbirlarni o‘tkazish uchun ruxsatnoma	13.	Ommaviy tadbirlarni o‘tkazish uchun ruxsatnoma	Ichki ishlar vazirligi, mahalliy ijroiya hokimiyati organlari
32.	Konsert-tomosha tadbiriga bir martalik ruxsatnoma
33.	Xalqaro va umumdavlat ahamiyatiga ega bo‘lgan ommaviy tadbirlarni o‘tkazishga ruxsatnomani kelishish
34.	Veterinariya sertifikati	14.	Veterinariya sertifikati	Veterinariya va chorvachilikni rivojlantirish davlat qo‘mitasi
35.	Veterinariya guvohnomasi
36.	Portlovchi materiallarni olib kirish, sotib olish, saqlash, shuningdek, avtomobil va temir yo‘l transportida tashishga ruxsatnoma	15.	Portlovchi materiallarni olib kirish, sotib olish, saqlash, shuningdek, avtomobil va temir yo‘l transportida tashishga ruxsatnoma	Ichki ishlar vazirligi, Sanoat xavfsizligi davlat qo‘mitasi
37.	Portlovchi materiallarni saqlash joylaridan foydalanishga guvohnoma
38.	Yer qa’ri bo‘yicha geologik materiallarning loyiha-smeta hujjatlarini tasdiqlash haqida qaror	16.	Yer qa’ri bo‘yicha geologik materiallarning loyiha-smeta hujjatlarining davlat ekspertizasi xulosasi	Davlat geologiya va mineral resurslar qo‘mitasi
39.	Geologiya qidiruv ishlari loyihasini kelishish
40.	Foydali qazilmalarni qazib olish bilan bog‘liq yer ostini o‘rganish ishlari bo‘yicha hisobni yuritish	17.	Foydali qazilmalarni qazib olish bilan bog‘liq yer ostini o‘rganish ishlari bo‘yicha hisobni yuritish	Davlat geologiya va mineral resurslar qo‘mitasi
41.	Yer osti boyliklarini qazib olish jarayonida qazib olingan va yo‘qotilgan foydali qazilmalar zaxiralarini yer qa’ridan foydalanuvchining hisobidan chiqarishni kelishish
42.	Konchilik va qayta ishlash korxonasining texnik loyihasini hamda korxonaning foydali qazilmalarini qazib olish loyihasini, shu jumladan konning tajriba sinovini muvofiqlashtirishni kelishish	18.	Kon ajratish dalolatnomasi	Kon-geologiya faoliyatini nazorat qilish inspeksiyasi, Sanoat xavfsizligi davlat qo‘mitasi (sanoat xavfsizligi qismi bo‘yicha)
43.	Kon ajratish dalolatnomasi
44.	Obyektni qayta ixtisoslashtirish va rekonstruksiya qilish uchun ruxsatnoma	19.	Obyektni qayta ixtisoslashtirish va rekonstruksiya qilish uchun ruxsatnoma.	Qurilish vazirligi
45.	Turar joyni noturar joy toifasiga o‘tkazishga ruxsatnoma

Izoh:

1) birlashtirilgan litsenziya va ruxsat etish xususiyatiga ega hujjatlar ularning amal qilish muddati davomida kuchda bo‘ladi va qayta rasmiylashtirilishi talab etilmaydi;

2) birlashtirilgan litsenziyalanadigan faoliyat va ruxsat berish tartib-taomillari uchun undiriladigan davlat boji miqdori birlashtirish yo‘li bilan bekor qilinayotgan faoliyat turi uchun belgilangan davlat bojining eng kam miqdordagisi saqlab qolinadi.

O‘zbekiston Respublikasi Prezidentining 2020-yil 24-avgustdagi PF-6044-son Farmoniga
3-ILOVA

2021-yil 1-yanvardan boshlab litsenziyalanadigan faoliyat va ruxsat etish xususiyatiga ega hujjatlarning xabardor qilish tartibi joriy etilishi yo‘li bilan bekor qilinadigan ayrim turlari

RO‘YXATI

T/r	Litsenziyalash va ruxsat berish tartib-taomil nomi	Xabarnoma nomi	Xabarnoma yuboriladigan vakolatli organ
I. Litsenziyalanadigan faoliyat turlari
1.	Qimmatbaho metallardan va qimmatbaho toshlardan zargarlik buyumlarini hamda boshqa buyumlarni ishlab chiqarish faoliyatiga litsenziya	Qimmatbaho metallardan va qimmatbaho toshlardan zargarlik buyumlarini hamda boshqa buyumlarni ishlab chiqarish faoliyatini boshlaganlik yoki tugatganlik haqida xabarnoma	Davlat asillik darajasini belgilash palatasi
2.	Lombardlar faoliyatiga litsenziya	Lombardlar faoliyatini boshlaganlik yoki tugatganlik haqida xabarnoma	Markaziy bank
3.	Qimmatli qog‘ozlar bozoridagi professional faoliyatni litsenziyalashda investitsiya maslahatchisi faoliyati	Investitsiya maslahatchisi faoliyatini boshlaganlik yoki tugatganlik haqida xabarnoma	Kapital bozorini rivojlantirish agentligi
4.	Nodavlat ta’lim faoliyatini litsenziyalashda: maktabdan tashqari ta’lim; kadrlar malakasini oshirish va ularni qayta tayyorlash; chet tillarni o‘rgatish bo‘yicha o‘quv kurslarini tashkil etish	1. Maktabdan tashqari ta’lim faoliyatini boshlaganlik yoki tugatganlik haqida xabarnoma; 2. Kadrlar malakasini oshirish va ularni qayta tayyorlash faoliyatini boshlaganlik yoki tugatganlik haqida xabarnoma; 3. Chet tillarni o‘rgatish bo‘yicha o‘quv kurslari faoliyatini boshlaganlik yoki tugatganlik haqida xabarnoma	Ta’lim sifatini nazorat qilish davlat inspeksiyasi
5.	Veterinariya faoliyatini litsenziyalashda veterinariya davolash-profilaktika ishlari	Veterinariya davolash-profilaktika faoliyatini boshlaganlik yoki tugatganlik haqida xabarnoma	Veterinariya va chorvachilikni rivojlantirish davlat qo‘mitasining hududiy bo‘linmalari
6.	Yong‘inga qarshi avtomatika vositalarini, qo‘riqlash, yong‘indan darak beruvchi va yong‘indan saqlash signalizatsiyalarini montaj qilish, sozlash, ta’mirlash va ularga texnik xizmat ko‘rsatish faoliyatini litsenziyalash	1. Yong‘inni avtomatik tarzda o‘chirish va yong‘in signalizatsiyasi qurilmalarini montaj qilish, sozlash, ta’mirlash hamda ularga texnik xizmat ko‘rsatish faoliyatini boshlaganlik yoki tugatganlik haqida xabarnoma; 2. Qo‘riqlash texnik vositalari va tizimlarini montaj qilish, sozlash, ta’mirlash hamda ularga texnik xizmat ko‘rsatish faoliyatini boshlaganlik yoki tugatganlik haqida xabarnoma	Favqulodda vaziyatlar vazirligi Milliy gvardiya
7.	Neft mahsulotlarini (avtobenzin, aviabenzin, ekstrabenzin, dizel yonilg‘isi, aviakerosin, mazut, pechka qoramoyi, neft bitumi, shuningdek, texnik moylar va moylash materiallarini) realizatsiya qilish, bundan zavodda idishlarga qadoqlanganlari mustasno	Neft mahsulotlarini (avtobenzin, aviabenzin, ekstrabenzin, dizel yonilg‘isi, aviakerosin, mazut, pechka qoramoyi, neft bitumi, shuningdek, texnik moylar va moylash materiallarini) sotish faoliyatini boshlaganlik yoki tugatganlik haqida xabarnoma, bundan zavodda idishlarga qadoqlanganlari mustasno	“O‘zdavneftgaz-inspeksiya”
8.	Geodeziya va kartografiya faoliyatiga litsenziya	Geodeziya va kartografiya faoliyatini boshlaganlik yoki tugatganlik haqida xabarnoma	Yer resurslari, geodeziya, kartografiya va davlat kadastri davlat qo‘mitasi
9.	Iste’mol va texnik etil spirti, alkogol mahsuloti(bundan tabiiy vino mustasno) ishlab chiqarish faoliyatini litsenziyalashda pivo va pivo ichimliklari ishlab chiqarish faoliyati	Pivo va pivo ichimliklari (bundan tabiiy vino mustasno) ishlab chiqarish faoliyatini boshlaganlik yoki tugatganlik haqida xabarnoma	Alkogol va tamakibozorini tartibga solish hamda vinochilikni rivojlantirish agentligi
10.	Farmatsevtika faoliyatining dori vositalari va tibbiy buyumlarni chakana sotish faoliyat turini litsenziyalashda oftalmologiya tibbiy buyumlarini chakana realizatsiyasi (optika)	Oftalmologiya tibbiy buyumlarini chakana realizatsiyasi (optika) bo‘yicha faoliyatni boshlaganlik yoki tugatganlik haqida xabarnoma	Farmatsevtika tarmog‘ini rivojlantirish agentligi
II. Ruxsat berish xususiyatiga ega hujjatlar
11.	Vakolatli banklar tomonidan naqd xorijiy va (yoki) milliy valyutani olib kirishga ruxsatnoma	Naqd xorijiy va (yoki) milliy valyutani olib kirganlik haqida xabarnoma	Markaziy bank
12.	Bank filialini ro‘yxatga olish uchun ruxsatnoma	Bank filiali yoki xizmat ko‘rsatish ofisini ochganlik va tugatganlik to‘g‘risida xabarnoma	Markaziy bank
13.	Mehnatni muhofaza qilish sohasidagi xizmatlar bozorining professional ishtirokchilari yagona reyestriga kiritilganligi to‘g‘risida guvohnoma	Mehnatni muhofaza qilish sohasidagi xizmatlar bozorining professional ishtirokchilari faoliyatini boshlaganlik yoki tugatganlik haqida xabarnoma	Bandlik va mehnat munosabatlari vazirligi
14.	Alkogol mahsulotlari bilan chakana savdo qilish huquqi uchun ruxsat guvohnomasi	Alkogol mahsulotlari bilan chakana savdo qilishni boshlaganlik yoki tugatganlik haqida xabarnoma	Davlat soliq qo‘mitasi
15.	Umumiy ovqatlanish korxonalari tomonidan alkogol mahsulotlarini sotish huquqi uchun ruxsat guvohnomasi	Umumiy ovqatlanish korxonalari tomonidan alkogol mahsulotlarini sotish faoliyatini boshlaganlik yoki tugatganlik haqida xabarnoma.	Davlat soliq qo‘mitasi
16.	Avtovokzal (avtostansiya) pasporti	Avtovokzal (avtostansiya) faoliyatini boshlaganlik yoki tugatganlik haqida xabarnoma	Transport vazirligi
17.	Qimmatbaho metallar va qimmatbaho toshlar bilan ishlashning ro‘yxatdan o‘tkazilganligi to‘g‘risidagi guvohnoma	Qimmatbaho metallar va qimmatbaho toshlar bilan ishlashni boshlaganlik yoki tugatganlik haqida xabarnoma	Davlat asillik darajasini belgilash palatasi
18.	Zargarlik buyumlari va qimmatbaho metallar va qimmatbaho toshlardan yasalgan boshqa buyumlarni sotishga ro‘yxatdan o‘tkazish guvohnomasi	Zargarlik buyumlari va qimmatbaho metallar va qimmatbaho toshlardan yasalgan boshqa buyumlarni sotish faoliyatini boshlaganlik yoki tugatganlik haqida xabarnoma	Davlat asillik darajasini belgilash palatasi
19.	Avtomototransport vositasi konstruksiyasining va (yoki) uning qismining yo‘l harakati xavfsizligi talablariga muvofiqligi to‘g‘risida guvohnoma	Avtomototransport vositasi konstruksiyasini va (yoki) uning qismini o‘zgartirish bilan bog‘liq faoliyatni boshlaganlik yoki tugatganlik haqida xabarnoma	Ichki ishlar vazirligi
20.	Yuqori chastotali qurilmalardan foydalanishga ruxsatnoma	Yuqori chastotali qurilmalardan foydalanishni boshlash va tugatish haqida xabarnoma	Axborot texnologiyalari va kommunikatsiya-larini rivojlantirish vazirligi
21.	Oilaviy nodavlat maktabgacha ta’lim muassasalari faoliyati bo‘yicha ruxsatnoma	Oilaviy nodavlat maktabgacha ta’lim muassasalari faoliyatini boshlaganlik yoki tugatganlik haqida xabarnoma	Maktabgacha ta’lim vazirligining tuman (shahar) bo‘limlari
22.	Milliy muzey fondi tarkibiga kiritilgan muzey ashyolari va muzey kolleksiyalarini tasarrufdan chiqarish yoki universal huquqiy vorislik tartibida yoxud boshqa usulda bir shaxsdan ikkinchi shaxsga o‘tkazish uchun maxsus ruxsatnoma	Milliy muzey fondi tarkibiga kiritilgan muzey ashyolari va muzey kolleksiyalarini tasarrufdan chiqarish yoki universal huquqiy vorislik tartibida yoxud boshqa usulda bir shaxsdan ikkinchi shaxsga o‘tkazganlik haqida xabarnoma	Madaniyat vazirligi
23.	Madaniy boyliklarni realizatsiya qilish faoliyatini amalga oshirish uchun ruxsatnoma	Madaniy boyliklarni realizatsiya qilish bo‘yicha faoliyatni boshlaganlik yoki tugatganlik haqida xabarnoma	Madaniyat vazirligi

O‘zbekiston Respublikasi Prezidentining 2020-yil 24-avgustdagi PF-6044-son Farmoniga
4-ILOVA

2021-yil 1-yanvardan boshlab litsenziyalanadigan faoliyat va ruxsat etish xususiyatiga ega hujjatlarning rasmiylashtirish muddatlari qisqartiriladigan ayrim turlari

RO‘YXATI

T/r	Litsenziyalanadigan faoliyat va ruxsat etish xususiyatiga ega hujjatlarning nomi	Vakolatli organ	Amaldagi rasmiylashtirish muddati	O‘rnatilayotgan rasmiylashtirish muddati
I. Litsenziyalanadigan faoliyat turlari
1.	Iste’mol va texnik etil spirti, alkogol mahsuloti (bundan tabiiy vino mustasno) ishlab chiqarish faoliyatini litsenziyalash	Alkogol va tamaki bozorini tartibga solish inspeksiyasi	30 kun	25 kun
II. Ruxsat berish xususiyatiga ega hujjatlar
2.	Olib chiqilayotgan va olib kirilayotgan madaniy boyliklarni hisobga olish va olib chiqish huquqini beruvchi sertifikat	Madaniyat vazirligi	10 kun	3 kun
3.	Madaniy meros obyektlarida tadqiqotlar, qidiruvlar o‘tkazish, madaniy meros obyektlarida ilmiy-konservatsiya va restavratsiya ishlarini amalga oshirish uchun ruxsatnoma	Madaniyat vazirligi	28 ish kuni (YUNESKOning Umumjahon merosi ro‘yxatiga kiritilgan hududlar va obyektlarda bajariladigan katta hajmdagi asrashga oid ishlar bo‘yicha 42 ish kuni)	25 ish kuni (YUNESKOning Umumjahon merosi ro‘yxatiga kiritilgan hududlar va obyektlarda bajariladigan katta hajmdagi asrashga oid ishlar bo‘yicha 35 ish kuni)
4.	Filmlarni ommaviy namoyish etishga bir martalik ruxsatnoma	“O‘zbekkino” milliy agentligi	15 ish kuni	10 ish kuni
5.	Xorijiy kinokompaniyalar tomonidan O‘zbekiston Respublikasi hududida filmlarni kino va video tasvirga olish uchun ruxsatnoma	“O‘zbekkino” milliy agentligi	15 kuni	5 ish kuni
6.	Parvozlar xavfsizligiga xavf solishi mumkin bo‘lgan faoliyatni amalga oshirish uchun ruxsatnoma	Fuqaro aviatsiyasi agentligi	25 kun	15 kun
7.	Ekspluatant sertifikati	Fuqaro aviatsiyasi agentligi	30 ish kuni	30 kun
8.	Yo‘q bo‘lib ketish xavfi ostidagi yovvoyi fauna va flora turlari bilan xalqaro savdo qilish to‘g‘risidagi Konvensiya (SITES) I, II va III ilovalariga kiritilgan hayvonlar turlari namunalari va o‘simliklar turlari namunalarini olib kir?sh va chetga olib chiqishga ruxsatnoma	Ekologiya va atrof-muhitni muhofaza qilish davlat qo‘mitasi	15 ish kuni	10 ish kuni
9.	Portlatish ishlarini olib boruvchi korxonalarda joylashgan punktlarda oddiy qumoqlangan va suvli portlovchi moddalarni ishlab chiqarishga ruxsatnoma	Sanoat xavfsizligi davlat qo‘mitasi	20 kun	15 kun
10.	Olib kiriladigan portlovchi moddalarni qo‘llash uchun ruxsatnoma	Sanoat xavfsizligi davlat qo‘mitasi	20 kun	15 kun
11.	Uskunalar, quvurlar, sisterna va boshqa sig‘imlarni kimyoviy himoya qilish ishlarini bajarishga ruxsatnoma	Sanoat xavfsizligi davlat qo‘mitasi	20 kun	15 kun
12.	Rentgen uskunasidan foydalanishga ruxsatnoma	Sanoat xavfsizligi davlat qo‘mitasi	20 kun	15 kun
13.	Gaz quvurlari va gaz xo‘jaligining gaz iste’mol qiluvchi boshqa obyektlarni montaj qilishga, ta’mirlashga, ishga tushirishga va foydalanishga ruxsatnoma	Sanoat xavfsizligi davlat qo‘mitasining Gaz xo‘jaligida sanoat xavfsizligi inspeksiyasi	15 kun	10 kun
14.	Geodeziya va kartografiya ishlarini ro‘yxatga olish to‘g‘risidagi qaror	Davlat geodeziya nazorati inspeksiyasi	10 ish kuni	2 — 7 ish kuni

O‘zbekiston Respublikasi Prezidentining 2020-yil 24-avgustdagi PF-6044-son Farmoniga
5-ILOVA

Litsenziya va ruxsat etish xususiyatiga ega hujjatlarni olish tartib-taomillarini yanada qisqartirish va soddalashtirishga qaratilgan

CHORA-TADBIRLAR

Oldingi tahrirga qarang.

T/r	Litsenziyalanadigan faoliyat turlari, ruxsat berish va xabardor qilish tartib-taomillari nomi	Tartib-taomillarni qisqartirish va soddalashtirish chora-tadbirlari	Amalga oshirish mexanizmi	Ijro muddati	Mas’ullar
I. Litsenziyalanadigan faoliyat turlari
1.	Nodavlat ta’lim xizmatlari ko‘rsatish sohasidagi faoliyat	1. Litsenziyalovchi organ talabgorning arizasini “bir darcha” tamoyiliga asosan yong‘in va sanitariya-epidemiologiya nazorati organlari bilan birgalikda ko‘rib chiqish tartibini joriy etish orqali mavjud binolar va xonalarning yong‘in xavfsizligi talablariga va sanitariya-gigiyena normalariga muvofiqligi to‘g‘risidagi xulosalari taqdim etilishini bekor qilish. 2. Ixtisoslashtirilgan nodavlat maktabgacha ta’lim tashkilotlari tashkil etilgan hollarda, litsenziyalovchi organ talabgorning arizasini “bir darcha” prinsipiga asosan Maktabgacha ta’lim vazirligi va Sog‘liqni saqlash vazirligi bilan birgalikda ko‘rib chiqish tartibini joriy etgan holda ularning ruxsatnomalarini taqdim etishni bekor qilish. 3. Nodavlat ta’lim muassasasi filialini ochish tartibiga aniqlik kiritish.	Normativ-huquqiy hujjat loyihalari	2020-yil 1-noyabr	Ta’lim sifatini nazorat qilish davlat inspeksiyasi
2.	Nodavlat ta’lim xizmatlari ko‘rsatish sohasidagi faoliyat: Avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish bo‘yicha nodavlat ta’lim xizmatlari ko‘rsatish faoliyati	1. Quyidagi umumiy xarakterdagi va ortiqcha litsenziya talab va shartlarini, shu jumladan ushbu sohaga qo‘yilgan ayrim davlat talablarini bekor qilish: O‘zbekiston Respublikasining ta’lim sohasidagi qonun va qonunchilik hujjatlariga majburiy rioya qilish; har bir auditoriyada videoproyektor yoki diagonali 50 duymdan kam bo‘lmagan interaktiv monitor (televizor), kompyuter, audio va videokuzatuv tizimi, yo‘l harakati qoidalari bo‘yicha ko‘rgazmali qo‘llanmalar, shuningdek, o‘quv jarayoni va yakuniy test sinovlarining oshkoraligini ta’minlash uchun yozib olish tizimining mavjud bo‘lishi; o‘quv jarayoniga o‘zlashtirishni oshirishga yo‘naltirilgan o‘qitish monitoringini olib borish va rejalashtirishning avtomatlashtirilgan axborot tizimini joriy etish; har bir o‘qituvchini o‘quv dasturlari, turli pedagogik texnologiyalardan foydalanish yo‘riqnomalarini o‘z ichiga olgan batafsil texnologik xaritalar bilan ta’minlash; har bir ta’lim oluvchi (tinglovchi)ni butun o‘quv jarayonini qamrab oladigan davlat talablariga muvofiq uch o‘lchamli animatsiya effektlari va videokontentga ega elektron o‘quv-uslubiy qo‘llanmalar bilan ta’minlash. 2. Avtomototransport vositalari va shahar elektr transporti vositalari haydovchilarining malakasini oshirish bo‘yicha nodavlat ta’lim xizmatlari faoliyati bilan shug‘ullanuvchi yuridik shaxslarga avtomototransport vositalarini boshqarayotgan shaxslar (haydovchilar)ning malakasini oshirishga qo‘yiladigan davlat talablariga muvofiq malaka oshirish kurslarida bilimlar o‘zlashtirilishi sifatini aniqlash uchun animatsiya effektlariga ega yagona test dasturining mavjud bo‘lishi talabini bekor qilish.	Normativ-huquqiy hujjat loyihalari	2020-yil 1-noyabr	Ta’lim sifatini nazorat qilish davlat nspeksiyasi, Ichki ishlar vazirligi
4.	Turizm faoliyatini litsenziyalash	1. Litsenziya olish uchun sertifikatning mavjud bo‘lishi talabini, shuningdek, ustav fondiga qo‘yilgan minimal talablarni bekor qilish. 2. Turoperatorlar xizmatlarini sertifikatlashtirishni ixtiyoriy etib belgilash. 3. Turoperator xizmatlarini sertifikatlashtirish uchun to‘lanadigan yig‘im to‘lovini kirish va chiqish turizm uchun ikki barobarga hamda ichki turizm uchun to‘rt barobarga pasaytirish. 4. Turoperator xizmatlarini sertifikatlashtirish uchun taqdim qilinadigan hujjatlar sonini ikki barobarga qisqartirish va arizani ko‘rib chiqish muddatini 26 kundan 10 kungacha kamaytirish. 5. Muvofiqlik sertifikatini amal qilish muddatini 3 yildan 5 yilgacha uzaytirish hamda inspeksiya nazoratini muvofiqlik sertifikatining amal qilish muddati davrida har 2,5 yilda 1-marta o‘tkazilishini belgilash. 6. Chiqish turizmi yo‘nalishi bo‘yicha litsenziyaga ega bo‘lgan litsenziatlarga muayyan litsenziya talablarini belgilagan holda tibbiy turizm (davolanish uchun fuqarolarni xorijga yuborish) va ta’lim turizmi (xorijdagi ta’lim muassasalariga o‘quvchilarni yuborish) xizmatlarini ko‘rsatish huquqini berish.	Normativ-huquqiy hujjat loyihalari	2020-yil 1-noyabr	Turizmni rivojlantirish davlat qo‘mitasi
5.	Sug‘urtalovchilarning sug‘urta faoliyatini litsenziyalash	1. Litsenziya olish uchun talab etiladigan quyidagi hujjatlarni taqdim etishni bekor qilish: litsenziya talabgorining rahbari va bosh buxgalterining malaka talablariga muvofiqligini tasdiqlaydigan hujjatlar — so‘rovnoma, oliy ma’lumot to‘g‘risidagi diplom yoxud vakolatli davlat organining xorijiy ta’lim muassasasida olingan oliy ma’lumot to‘g‘risidagi hujjatning ekvivalentligini e’tirof etish to‘g‘risidagi guvohnoma hamda mehnat daftarchasi; litsenziya talabgori rahbari tomonidan tasdiqlangan sug‘urtalash qoidalari (shartlari) ikki nusxada.	Normativ-huquqiy hujjat loyihasi Idoraviy normativ-huquqiy hujjat	2020-yil 1-noyabr 2021-yil 1-yanvar	Moliya vazirligi
6.	Iste’mol va texnik etil spirti, alkogol mahsulotlari ishlab chiqarish faoliyatini litsenziyalash	Litsenziya olish uchun arizani taqdim qilishda “bir darcha” tamoyilini yo‘lga qo‘yish orqali quyidagi tartibni joriy etish: litsenziyalovchi organ 10 kun muddatda litsenziya talabgorining ishtirokisiz quyidagi hujjatlarni vakolatli organlardan so‘rov yo‘li bilan olish; ishlab chiqarish va saqlash inshootlarining, shuningdek, texnologik uskunalarning qonun hujjatlarida belgilangan sanitariya-gigiyena talablariga muvofiqligi to‘g‘risida hududiy sanitariya-epidemiologik nazorat organining xulosasi; ishlab chiqarishning qonun hujjatlarida belgilangan mehnatni muhofaza qilish va texnika xavfsizligi talablariga muvofiqligi to‘g‘risida Bandlik va mehnat munosabatlari vazirligining hududiy boshqarmalari xulosasi; ishlab chiqarishning, ishlab chiqarish va saqlash binolarining qonun hujjatlarida belgilangan yong‘in xavfsizligi talablariga muvofiqligi to‘g‘risida hududiy yong‘in nazorati organining xulosasi; “O‘zstandart” agentligi huzuridagi Texnik jihatdan tartibga solish, standartlashtirish, sertifikatlashtirish va metrologiya sohasida qonun hujjatlari talablariga rioya etilishini ta’minlash departamentining ishlab chiqariladigan mahsulotning sifati va xavfsizligini nazorat qilish uchun zarur bo‘lgan texnik tartibga solish sohasidagi normativ hujjatlar hamda o‘lchash jihozlari bilan ta’minlanganligi to‘g‘risida xulosasi.	Normativ-huquqiy hujjat loyihasi	2020-yil 1-noyabr	Alkogol va tamaki bozorini tartibga solish hamda vinochilikni rivojlantirish agentligi
7.	Kredit byurolari faoliyati	Litsenziya olish uchun talab etiladigan quyidagi hujjatlarni taqdim etishni bekor qilish: muassislar umumiy yig‘ilishining kredit byurosini tashkil etish to‘g‘risidagi bayonnomasi; kredit byurosining muassis hujjatlari; kredit byurosining rahbari va muassislari haqidagi ma’lumotlar; kredit byurosining ustav fondi shakllantirilganligini tasdiqlovchi bank hujjati; davlat ro‘yxatidan o‘tkazish uchun davlat boji to‘langanligi to‘g‘risidagi to‘lov hujjati; kamida 10 ta tijorat banki bilan kredit almashinuvini amalga oshirishga roziligini tasdiqlovchi hujjati.	Normativ-huquqiy hujjat loyihasi	2020-yil 1-noyabr	Markaziy bank
9.	Axborotning kriptografik himoya vositalarini tayyorlash, ishlab chiqarish va realizatsiya qilish faoliyati	Quyidagi litsenziya talab va shartlarini soddalashtirish: 1) litsenziya talabgorining doimiy shtatida bo‘lishi zarur bo‘lgan mutaxassislar sonini ikkitadan bittaga kamaytirish hamda uning ish stajiga bo‘lgan talab muddatini uch yildan bir yilga qisqartirish; 2) litsenziyalovchi organ tomonidan mutaxassislarni attestatsiyadan o‘tkazishni bekor qilish; 3) litsenziya olish uchun taqdim etiladigan hujjatlar ro‘yxatidan xodimlarning davlat sirlariga tegishli deb topilgan ma’lumotlar bilan tanisha olishini tasdiqlaydigan hujjatlarni istisno qilish.	Normativ-huquqiy hujjat loyihalari	2020-yil 1-oktabr	Davlat xavfsizlik xizmati
10.	Mahalliy va xalqaro yo‘nalishlar bo‘yicha temir yo‘l transportida yo‘lovchilarni hamda yuklarni tashish faoliyati	1. Litsenziya olish uchun talab etiladigan temir yo‘l transportida tashish jarayoniga, kirish yo‘llarining, harakatlanuvchi tarkibning texnik holatiga, tormoz boshmoqlarining saqlanishi va hisobini yuritishga, harakatlanuvchi tarkibning harakatlanish xavfsizligi va butligini ta’minlashga mas’ul shaxslarni tayinlash to‘g‘risida yuridik shaxs rahbarining buyrug‘idan nusxani taqdim etish talabini bekor qilish. 2. Barcha faoliyat yo‘nalishlari bo‘yicha litsenziya berishdagi davlat boji miqdorini bazaviy hisoblash miqdorining 200 baravari qilib belgilash.	Normativ-huquqiy hujjat loyihalari	2020-yil 1-noyabr	Transport vazirligi
11.	Giyohvandlik vositalari, psixotrop moddalar va prekursorlarni olib kirish (olib chiqish), saqlash, realizatsiya qilish (berish), taqsimlash, tashish, ishlab chiqish va ishlab chiqarish, tayyorlash, yo‘q qilib tashlash, giyohvandlik vositalari, psixotrop moddalar va prekursorlardan ilmiy va o‘quv maqsadlarida, ishlab chiqarish ehtiyojlari uchun, shu jumladan tibbiyotda va veterinariyada foydalanish, shuningdek, tarkibida giyohvand moddalari bo‘lgan o‘simliklarni yetishtirish faoliyati	Litsenziya olish uchun ariza taqdim qilishda “bir darcha” tamoyilini yo‘lga qo‘yish orqali quyidagi hujjatlarni taqdim etish talabini bekor qilish: yuridik shaxsning ro‘yxatdan o‘tkazilganligi to‘g‘risidagi guvohnomaning nusxasi; giyohvandlik vositalari, psixotrop moddalarning muomalada bo‘lishi (saqlash, berish, sotish, tayyorlash, foydalanish, yo‘q qilish) sohasidagi mas’ul xodim uchun oliy farmatsevtika ma’lumoti to‘g‘risidagi diplom (nusxasi olinib, asli qaytariladi) hamda uni lavozimga tayinlash to‘g‘risidagi buyruq nusxasi; Sog‘liqni saqlash vazirligi Dori-darmonlar va tibbiyot texnikasi sifatini nazorat qilish bosh boshqarmasining giyohvandlik vositalari, psixotrop moddalarni ishlab chiqarish sharoitlarining belgilangan standartlarga muvofiqligi to‘g‘risidagi xulosasi (giyohvandlik vositalari, psixotrop moddalar ishlab chiqarish bilan bog‘liq faoliyatni amalga oshirishda).	Normativ-huquqiy hujjat loyihasi	2020-yil 1-noyabr	Sog‘liqni saqlash vazirligi, Ichki ishlar vazirligi
12.	Tibbiy faoliyat	Tezlashtirilgan tartibda litsenziya berish bo‘yicha ariza o‘z vaqtida ko‘rib chiqilmagan taqdirda, qo‘shimcha to‘langan yig‘imni ariza beruvchiga qaytarish amaliyotini belgilash.	Normativ-huquqiy hujjat loyihasi	2020-yil 1-noyabr	Sog‘liqni saqlash vazirligi, Davlat xizmatlari agentligi
13.	Dori vositalari va tibbiy buyumlarni chakana realizatsiya qilish	1. Dori vositalari va tibbiy buyumlarni chakana realizatsiya qilish uchun litsenziyaga ega bo‘lgan yuridik shaxslar tomonidan ularning xuddi shunday faoliyat bilan shug‘ullanuvchi filiallari tashkil etilganda har bir filial manzilini asosiy litsenziyada ko‘rsatish amaliyotini joriy qilish orqali filiallarga alohida litsenziya rasmiylashtirish amaliyotidan voz kechish. 2. Dori vositalari va tibbiy buyumlarni chakana realizatsiya qilishda oliy tibbiy ma’lumotga ega bo‘lgan shaxslarga dorixona mudiri sifatida faoliyat yuritish huquqini berish.	Normativ-huquqiy hujjat loyihalari	2020-yil 1-noyabr	Sog‘liqni saqlash vazirligi
14.	Xususiy bandlik agentliklarining O‘zbekiston Respublikasidan tashqaridagi ishni qidirayotgan shaxslarni ishga joylashtirish bo‘yicha faoliyati	1. Yagona milliy mehnat tizimiga integratsiya qilish orqali rahbar lavozimiga tayinlash to‘g‘risidagi buyruqning va rahbarning oliy ma’lumotini tasdiqlovchi hujjatlarning ko‘chirma nusxasini taqdim etishni bekor qilish. 2. Xususiy bandlik agentliklari bilan fuqarolar o‘rtasida tuzilayotgan har bir shartnomani maxsus yaratiladigan elektron axborot tizimiga kiritish va uni doimiy yangilab borish talabini litsenziya talab va shartlariga kiritish.	Normativ-huquqiy hujjat loyihalari	2020-yil 1-noyabr	Bandlik va mehnat munosabatlari vazirligi
15.	Xavfi yuqori bo‘lgan obyektlarni va potensial xavfli ishlab chiqarishlarni loyihalashtirish, qurish hamda foydalanish faoliyati	Xavfi yuqori bo‘lgan obyektlarning aniq ro‘yxatini shakllantirish.	Normativ-huquqiy hujjat loyihasi	2020-yil 1-noyabr	Qurilish vazirligi, Sanoat xavfsizligi davlat qo‘mitasi
16.	Ionlashtiruvchi nurlanish manbalari muomalasi sohasidagi faoliyat	Litsenziya olish uchun ariza taqdim qilishda xodimlar ma’lumoti bo‘yicha mutaxassisligi, egallab turgan lavozimi, litsenziyalanadigan faoliyat turi bo‘yicha ish stajini tasdiqlovchi hujjatlarni taqdim qilish talabini bekor qilish.	Normativ-huquqiy hujjat loyihasi	2020-yil 1-noyabr	Sanoat xavfsizligi davlat qo‘mitasi, Bandlik va mehnat munosabatlari vazirligi
17.	To‘lov tizimlari operatorlarining faoliyati va to‘lov tashkilotlarining faoliyati	To‘lov tizimlari operatorlarining faoliyatini va to‘lov tashkilotlarining faoliyatini litsenziyalashda litsenziyaning amal qilishini tugatish o‘rniga litsenziyani chaqirib olish tartibini joriy qilish.	“To‘lovlar va to‘lov tizimlari to‘g‘risida”gi Qonunga o‘zgartirish kiritish bo‘yicha qonun loyihasi	2020-yil 1-dekabr	Markazi? bank
II. Ruxsat berish xususiyatiga ega hujjatlar
18.	Olib chiqilayotgan va olib kirilayotgan madaniy boyliklarni hisobga olish va olib chiqish huquqini beruvchi sertifikat	1. Olib chiqish mumkin bo‘lmagan madaniy boyliklarning yaratilgan vaqtini qayta ko‘rib chiqish. 2. Madaniy boyliklarni hisobini yuritish, uning olib chiqilishi va olib kirilishi ustidan yagona davlat nazoratini joriy etish orqali ortiqcha va bir-birini takrorlaydigan ruxsat berish hujjatlari qisqartirish choralarini ko‘rish, madaniy boyliklarni ekspertizadan o‘tkazish jarayonini takomillashtirish.	Axborot-tahliliy ma’lumotnoma Normativ-huquqiy hujjat loyihasi	2021-yil 1-fevral 2021-yil 1-aprel	Madaniyat vazirligi, Turizmni rivojlantirish davlat qo‘mitasi, Davlat bojxona qo‘mitasi, Adliya vazirligi
19.	Madaniy boyliklarni ochiq savdoga (auksionga) taqdim etishni kelishish	Madaniy boyliklarni ochiq savdoga (auksionga) qo‘yish va ochiq savdoga (auksionga) qo‘yishni kelishishni tartibga soluvchi normativ-huquqiy hujjat loyihasini ishlab chiqish.	Normativ-huquqiy hujjat loyihasi	2020-yil 1-dekabr	Madaniyat vazirligi
20.	Filmlarni ommaviy namoyish etishga bir martalik ruxsatnoma	Ruxsatnoma olish uchun talab qilinadigan hujjatlardan filmda bolalarning sog‘lig‘iga zarar yetkazuvchi axborotning mavjudligi yoki mavjud emasligi, uning muayyan yosh toifasiga mosligi yoki mos emasligi to‘g‘risidagi tegishli ekspert xulosasining nusxasi taqdim etish tartibini bekor qilish.	Normativ-huquqiy hujjat loyihasi	2020-yil 1-noyabr	“O‘zbekkino” milliy agentligi
21.	Xorijiy kinokompaniyalar tomonidan O‘zbekiston Respublikasi hududida filmlarni kino va video tasvirga olish uchun ruxsatnoma	1. Ruxsatnoma uchun undiriladigan yig‘imni O‘zbekistonda bo‘lib turgan vaqtidan qat’iy nazar bir marta undiriladigan bazaviy hisoblash miqdorining besh baravari miqdorida belgilash. 2. Xorijiy kinokompaniyalar tomonidan O‘zbekiston Respublikasi hududida filmlarni tasvirga olish jarayonini qo‘llab-quvvatlash mexanizmlarini ishlab chiqish.	Normativ-huquqiy hujjat loyihalari	2020-yil 1-noyabr	“O‘zbekkino” milliy agentligi, Moliya vazirligi
22.	Fiskal xotirali nazorat-kassa mashinalarini ro‘yxatdan o‘tkazish kartochkasi	Quyidagi hujjatlarni talab qilishni bekor qilish: agar qonun hujjatlarida o‘zgacha hol nazarda tutilmagan bo‘lsa naqd pul tushumi xizmat ko‘rsatuvchi bank bilan inkassatsiya qilinganligi to‘g‘risidagi shartnomaning nusxasi yoxud hisob-kitob raqami mavjudligi to‘g‘risida xizmat ko‘rsatuvchi bank bilan tuzilgan shartnomaning nusxasi; fiskal xotiraga ega bo‘lgan nazorat-kassa mashinasiga texnik xizmat ko‘rsatish va uni ta’mirlashga tuzilgan shartnomaning nusxasi.	Normativ-huquqiy hujjat loyihasi	2020-yil 1-noyabr	Davlat soliq qo‘mitasi
23.	Havo kemalariga texnik xizmat ko‘rsatish tashkiloti sertifikati	Yuridik shaxsning davlat ro‘yxatidan o‘tkazilganligi haqidagi guvohnomaning nusxasi taqdim etilishini bekor qilish.	Normativ-huquqiy hujjat loyihasi	2020-yil 1-noyabr	Transport vazirligi
24.	Shahar, shahar atrofida, shaharlararo (viloyatlar ichida, viloyatlararo) va xalqaro yo‘lovchilar tashish yo‘nalishlarini joylashtirish uchun ochiq tenderlar tashkil etish va o‘tkazish	Shahar atrofida, shaharlararo (viloyatlar ichida, viloyatlararo) va xalqaro yo‘lovchilar tashish yo‘nalishlarini joylashtirish uchun ochiq tenderlarni faqat internet tarmog‘i orqali elektron shaklda o‘tkazish tartibini belgilash.	Normativ-huquqiy hujjat loyihasi	2021-yil 1-yanvar	Transport vazirligi
25.	Avtomototransport vositasini qayta jihozlashga ruxsatnoma	Avtomototransport vositasini qayta jihozlash deb tan olinadigan o‘zgarishlarning aniq va to‘liq ro‘yxatini shakllantirish.	Normativ-huquqiy hujjat loyihasi	2020-yil 1-noyabr	Ichki ishlar vazirligi
26.	Mahalliy va import qilinadigan veterinariya dori vositalari hamda ozuqabop qo‘shimchalarni ro‘yxatdan o‘tkazilganlik to‘g‘risidagi guvohnoma	1. Guvohnomani olish uchun talab qilinadigan hujjatlarga quyidagicha aniqlik kiritish: veterinariya dori vositalari va ozuqabop qo‘shimchalarning sifat ko‘rsatkichlarini texnik talablar asosida nazorat qilish usullari, tegishli xalqaro yoki davlat farmakopeya maqolalari matnlarini MDHdan tashqari davlatlarda ishlab chiqarilganda talab qilish; veterinariya dori vositalari va ozuqabop qo‘shimchalarning ishlab chiqarilishi bo‘yicha ma’lumotlarni (tayyorlash bo‘yicha texnologik yo‘riqnoma yoki reglament, blok-sxemalar) MDH davlatlarida ishlab chiqarilganda talab qilish. 2. Ruxsatnoma berish uchun xorijiy ishlab chiqaruvchilardan undiriladigan yig‘im miqdorini belgilash.	Normativ-huquqiy hujjat loyihasi Idoraviy normativ-huquqiy hujjat	2020-yil 1-noyabr 2021-yil 1-yanvar	Veterinariya va chorvachilikni rivojlantirish qo‘mitasi
27.	Arxitektura-rejalashtirish topshirig‘i	Arxitektura-rejalashtirish topshirig‘ini ishlab chiqish jarayonida arizani bir vaqtning o‘zida muhandislik-kommunikatsiya tarmoqlariga texnik shartlarni tayyorlash uchun yuborish tartibini joriy etish.	Normativ-huquqiy hujjat loyihasi	2020-yil 1-noyabr	Qurilish vazirligi, Uy-joy kommunal xizmat ko‘rsatish vazirligi, Davlat xizmatlari agentligi
28.	Bino va inshootning tashqi ko‘rinishini o‘zgartirishni kelishish	Bino va inshootning tashqi ko‘rinishini o‘zgartirishni kelishishni rad etishning aniq asoslarini belgilash.	Normativ-huquqiy hujjat loyihasi	2020-yil 1-dekabr	Qurilish vazirligi
29.	Tugatish va konservatsiya qilish, neft va gaz quduqlarini o‘tkazish dalolatnomasi hamda shaxtalarni (konlarni) bir toifadan boshqasiga o‘tkazishni tasdiqlash va kelishish to‘g‘risida xulosa	Neft va gaz quduqlarini tugatishda quyidagi hujjatlarni talab qilishni bekor qilish quduqning haqiqiy qiymati haqida ma’lumot; quduqdan xalq xo‘jaligi maqsadlarida foydalanish mumkin emasligi yoki maqsadga muvofiq emasligi to‘g‘risidagi ma’lumot.	Normativ-huquqiy hujjat loyihasi	2020-yil 1-noyabr	Sanoat xavfsizligi davlat qo‘mitasi
30.	Tog‘-kon ishlarini yuritish huquqini beruvchi ruxsatnoma	Kon yoki uning foydalanish navbatini qabul qilish to‘g‘risidagi Davlat komissiyasining dalolatnomasi nusxasini taqdim etish tartibini bekor qilish.	Normativ-huquqiy hujjat loyihasi	2020-yil 1-noyabr	Sanoat xavfsizligi davlat qo‘mitasi
31.	Ruda va noruda foydali qazilmalarni o‘z ichiga olgan yer qa’ri uchastkalaridan foydalanish huquqi uchun litsenziya	1. Talabgordan mahalliy ijroiya hokimiyati organlarining kafolat xatlarini olishni talab qilish tartibini bekor qilish. 2. Ruxsat berish xususiyatiga ega hujjat nomini “litsenziya”dan “ruxsatnoma”ga o‘zgartirish. 3. Barcha jarayonlarni, jumladan to‘g‘ridan-to‘g‘ri muzokaralar asosida ruxsatnomani berishni to‘liq elektronlashtirish.	Normativ-huquqiy hujjat loyihalari	2020-yil 1-dekabr	Davlat geologiya va mineral resurslar qo‘mitasi
32.	Yer osti suvlariga quduqlarni burg‘ulash uchun ruxsatnoma	1. Arizani taqdim qilishda “bir darcha” tamoyilini yo‘lga qo‘yish orqali quyidagi hujjatlarni taqdim etish talabini bekor qilish: gidrogeologik xulosa; davlat ekologik ekspertizasining xulosasi. 2. Yer osti suv resurslaridan maxsus foydalanishga ruxsatnoma berish bilan yagona jarayonga birlashtirish.	Normativ-huquqiy hujjat loyihalari	2020-yil 1-noyabr	Davlat geologiya va mineral resurslar qo‘mitasi, Ekologiya va atrof muhitni muhofaza qilish davlat qo‘mitasi
33.	Kon ajratish dalolatnomasi	1. Kondan foydalanish uchun mahalliy ijroiya hokimiyati organlarining yer uchastkasini ajratish to‘g‘risidagi qarorini olish tartibini bekor qilish hamda kon ajratish dalolatnomasini kon joylashgan yer uchastkasi ajratilganligini tasdiqlovchi hujjat sifatida belgilash. 2. Uran va uglevodorod konlari bo‘yicha kon ajratish dalolatnomasi berilganda, konga huquqi bo‘lgan shaxs tomonidan yer uchastkasining chegaralarini tuman (shahar) yer tuzish va ko‘chmas mulk kadastr organlari bilan kelishish tartibini joriy etish orqali yer ajratish to‘g‘risidagi qarorni olish tartibini bekor qilish.	Normativ-huquqiy hujjat loyihalari	2020-yil 1-noyabr	Davlat geologiya va mineral resurslar qo‘mitasi
34.	Kon ishlarini rivojlantirish rejasini kelishish	Integratsiyalangan axborot almashish tizimini joriy etish orqali Kon-geologiya faoliyatini nazorat qilish inspeksiyasi va Sanoat xavfsizligi davlat qo‘mitasi bilan bir vaqtda kelishish tartibiga o‘tish.	Normativ-huquqiy hujjat loyihasi	2020-yil 1-noyabr	Davlat geologiya va mineral resurslar qo‘mitasi, Sanoat xavfsizligi davlat qo‘mitasi
35.	Yer osti boyliklari yoki uning qismlarini qazib oluvchi korxonani tugatish va konservatsiya qilishga maxsus loyihani kelishish	Integratsiyalangan axborot almashish tizimini joriy etish orqali Kon-geologiya faoliyatini nazorat qilish inspeksiyasi va Sanoat xavfsizligi davlat qo‘mitasi bilan bir vaqtda kelishish tartibiga o‘tish.	Normativ-huquqiy hujjat loyihasi	2020-yil 1-noyabr	Davlat geologiya va mineral resurslar qo‘mitasi, Sanoat xavfsizligi davlat qo‘mitasi
36.	Sanoat uchun ahamiyatini yo‘qotgan yoki keyinchalik o‘tkazilgan geologiya-qidiruv ishlarida yoxud konni ishga solishda tasdiqlanmagan foydali qazilma zaxiralarini yer osti boyliklaridan foydalanuvchining hisobidan chiqarish to‘g‘risida qaror	Arizani taqdim qilishda “bir darcha” tamoyilini yo‘lga qo‘yish orqali kon ajratish dalolatnomasi nusxasini taqdim etish talabini bekor qilish.	Normativ-huquqiy hujjat loyihasi	2020-yil 1-noyabr	Davlat geologiya va mineral resurslar qo‘mitasi
37.	Davlat o‘rmon fondiga kirmaydigan daraxtlar va butalarni kesishga ruxsatnoma	Davlat o‘rmon fondiga kirmaydigan daraxtlar va butalarni kesishga ruxsatnoma beruvchi vakolatli organ sifatida Ekologiya va atrof muhitni muhofaza qilish davlat qo‘mitasini belgilash.	Normativ-huquqiy hujjat loyihasi	2020-yil 1-dekabr	Ekologiya va atrof muhitni muhofaza qilish davlat qo‘mitasi
38.	Obyektni qayta ixtisoslashtirish va rekonstruksiya qilish uchun ruxsatnoma.	Obyektning ixtisoslashuvi o‘zgarib turar joy noturar joy toifasiga o‘tkazilganda yoki noturar joy turar joy toifasiga o‘tkazilganda qurilish bo‘limlari bu haqda tuman (shahar) kadastr bo‘limlari, davlat soliq inspeksiyalari hamda muhandislik-kommunikatsiya tarmoqlarini ekspluatatsiya qiluvchi tashkilotlarni xabardor qilish mexanizmini yo‘lga qo‘yish va aniq asoslar ro‘yxatini shakllantirish.	Normativ-huquqiy hujjat loyihasi	2020-yil 1-noyabr	Qurilish vazirligi
III. Xabardor qilish tartibida amalga oshiriladigan faoliyat turlari
39.	Alkogol mahsulotlari bilan chakana savdo qilish va umumiy ovqatlanish korxonalari tomonidan alkogol mahsulotlarini sotishni boshlaganlik yoki tugatganlik haqida xabarnoma	Shaharlarda — bazaviy hisoblash miqdorining kamida 100 baravari miqdorida va qishloq joylarda hamda chekka tog‘li tumanlarda bazaviy hisoblash miqdorining 50 baravari miqdorida shakllangan ustav fondi mavjud bo‘lishi talabini bekor qilish.	Normativ-huquqiy hujjat loyihasi	2020-yil 1-noyabr	Davlat soliq qo‘mitasi
40.	Veterinariya davolash-profilaktika faoliyatini boshlaganlik yoki tugatganlik haqida xabarnoma	1. Veterinariya sohasidagi (mutaxassisligi) ta’lim muassasasini (oliy, o‘rta-maxsus kasbiy ta’lim) bitirgan jismoniy shaxslarga ushbu faoliyat bilan xabardor qilish tartibida shug‘ullanishga ruxsat berish. 2. Veterinariya davolash-profilaktika ishlari bilan shug‘ullanish uchun tadbirkorlik subyekti sifatida davlat ro‘yxatidan o‘tkazish majburiyligini bekor qilish. 3. Veterinariya davolash-profilaktika faoliyatini o‘zini o‘zi band qilgan fuqarolarga vaqtinchalik mehnat guvohnomalari beriladigan faoliyat (xizmatlar, ishlar) turlari ro‘yxatiga qo‘shish.	Normativ-huquqiy hujjat loyihalari	2020-yil 1-noyabr	Veterinariya va chorvachilikni rivojlantirish qo‘mitasi
41.	Geodeziya va kartografiya faoliyatini boshlaganlik yoki tugatganlik haqida xabarnoma	1. Geodeziya va kartografiya faoliyati bilanshug‘ullanadigan mutaxassislarning Davlat geodeziya nazorati inspeksiyasida malaka oshirishni yo‘lga qo‘yish va malaka sertifikatini berish tartibini joriy etish. 2. Geodeziya va kartografiya uskunalarini vakolatli organga hisobga qo‘yish amaliyotini yo‘lga qo‘yish.	Normativ-huquqiy hujjat loyihalari	2020-yil 1-noyabr	Yer resurslari, geodeziya, kartografiya va davlat kadastri davlat qo‘mitasi
IV. Boshqa faoliyat turlari
42.	Baholash faoliyati	Baholovchi tashkilotlari uchun o‘zini-o‘zi boshqarish mexanizmini joriy etish.	Normativ-huquqiy hujjat loyihasi	2020-yil 1-dekabr	Davlat aktivlarini boshqarish agentligi
43.	Rieltorlik faoliyati	1. Ko‘chmas mulk bilan bog‘liq barcha rieltorlik xizmatlarini amalga oshirish imkoniyatini beruvchi yagona axborot tizimini joriy qilish va rieltorlik xizmatlarini ushbu tizim orqali bajarish tartibini belgilash. 2. Rieltorlik tashkilotlari uchun o‘zini-o‘zi boshqarish mexanizmini joriy etish.	Normativ-huquqiy hujjat loyihalari	2021-yil 1-avgust	Davlat aktivlarini boshqarish agentligi
44.	Qimmatli qog‘ozlar blankalarini ishlab chiqarish faoliyati	Qimmatli qog‘ozlar blankalarini ishlab chiqish faoliyati bilan faqat “Davlat belgisi” davlat unitar korxonasi tomonidan amalga oshirilishini belgilash.	Normativ-huquqiy hujjat loyihasi	2020-yil 1-dekabr	Markaziy banki
45.	Farmatsevtika faoliyati: tibbiy buyumlarni ishlab chiqarish; tibbiy buyumlarni tayyorlash	Tibbiy buyumlarni ishlab chiqarish va tayyorlash faoliyatini texnik tartibga solish bo‘yicha qoidalarni ishlab chiqish.	Normativ-huquqiy hujjat loyihasi	2021-yil 1-aprel	Farmatsevtika tarmog‘ini rivojlantirish agentligi
46.	Xorijiy ishchi kuchini jalb qilish	Chet el fuqarosiga O‘zbekistonda ishlash huquqini beruvchi tasdiqnomani olish tartibini takomillashtirish, shu jumladan tasdiqnomani ish beruvchi yoki chet el fuqarosi olishi mumkinligini nazarda tutish va to‘lanadigan yig‘im summasini oshirish nuqtai nazaridan qayta ko‘rib chiqish.	Normativ-huquqiy hujjat loyihasi	2020-yil 1-noyabr	Tashqi mehnat migratsiyasi agentligi
47.	Milliy haydovchilik guvohnomasini berish imtihonlarini o‘tkazish	1. Yo‘l harakati qoidalari bo‘yicha test sinovlarini olishda zamonaviy texnologiyalarni qo‘llash orqali inson omilini keskin kamaytirish choralarini ko‘rish. 2. Eksperiment tariqasida Toshkent shahrida milliy haydovchilik guvohnomasini berish imtihonlari sun’iy ong orqali baholanadigan faqat maxsus tashkil etilgan avtodromda o‘tkazish amaliyotini joriy etish, eksperimentning ijobiy natijalariga asosan boshqa hududlarda ham yangi tartibni 2022-yildan amalga kiritish.	Amaliy chora-tadbirlar	2021-yil 1-yanvar	Ichki ishlar vazirligi, Davlat test markazi

(5-ilova O‘zbekiston Respublikasi Prezidentining 2024-yil 19-apreldagi PF-68-sonli Farmoni tahririda — Qonunchilik ma’lumotlari milliy bazasi, 26.04.2024-y., 06/24/68/0302-son)

(Qonun hujjatlari ma’lumotlari milliy bazasi, 25.08.2020-y., 06/20/6044/1202-son; 12.02.2021-y., 06/21/6167/0103-son; Qonunchilik ma’lumotlari milliy bazasi, 30.04.2021-y., 06/21/6218/0398-son, 30.12.2021-y., 06/21/42/1224-son, 18.03.2022-y., 06/22/89/0227-son, 23.08.2022-y., 06/22/194/0766-son; 07.07.2023-y., 06/23/108/0460-son; 26.04.2024-y., 06/24/68/0302-son; 11.04.2025-y., 06/25/65/0331-son)